شیعہ نیوز: لاہور کے علاقے شادمان میں واقع امام بارگاہ قصر بتولؑ سے نویں محرم الحرام کی مناسبت سے مجلس عزا کا اہتمام کیا گیا۔ مولانا غلام مصطفیٰ نیئر علوی نے مجلس عزاء سے خطاب کرتے ہوئے شہدائے کربلا کے فضائل ومصائب بیان کئے۔ مجلس عزاء میں عزاداروں کی بڑی تعداد نے شرکت کی۔ مجلس عزاء کے بعد شبیہ ذوالجناح کا جلوس برآمد ہوا۔ جو اپنے مقررہ راستوں پر رواں دواں ہے۔ جلوس کے شرکاء فاطمہ میموریل ہسپتال کے باہر ڈیڑھ بجے مولانا ذاکر حسین کی اقتداء میں نماز ظہرین ادا کریں گے۔ جلوس شاہ جمال گول چکر سے ہوتا ہوا 55 شاہ جمال پہنچ کر اختتام پذیر ہوگا۔
یہ بھی پڑھیں : لو جی! مسلمانوں نے پانی، شربت اور سبیل پلانے کو حرام قرار دے دیا،اب سمجھ آیاحسین ؑ کو کس نے پیاسا قتل کیا تھا
پولیس کی جانب سے سکیورٹی کے سخت انتظامات کئے گئے ہیں۔ شادمان کو چاروں اطراف سے بند کیا گیا ہے۔ جیل روڈ انڈر پاس پر بھی کنٹینر کھڑے کرکے راستوں کو بند کیا گیا ہے، جبکہ شاہ جمال دربار کی طرف سے بھی خار دار تاریں اور کنٹینر کھڑے کئے گئے ہیں۔ ادھر شمع سٹاپ کی جانب سے سیور فوڈ کے سامنے کنٹینر لگائے گئے ہیں۔ جبکہ عزاداروں کو جامہ تلاشی کے بعد جلوس میں شریک ہونے کی اجازت دی جا رہی ہے۔ جلوس میں شرکاء کیلئے لنگر اور شربت کی سبیلوں کا بھی اہتمام کیا گیا ہے۔
The post شادمان امام بارگاہ قصر بتولؑ لاہورسے 9ویں محرم کا جلوس برآمد ، ہزاروں عزاداروں کی شرکت appeared first on شیعہ نیوز پاکستان.
