شیعہ نیوز: وزارت خارجہ نے امریکہ کے ہاتھوں مفاہمت نامے اور ایران کی ارضی سالمیت کی خلاف ورزی کی سخت الفاظ میں مذمت کی ہے۔
وزارت خارجہ نے جمعہ 26 جون کی شام کو ایران کے کئی ساحلی علاقوں پر امریکی فوج کی بمباری کی جس میں بحری نگرانی کی تنصیبات کو نشانہ بنایا گیا، سخت الفاظ میں مذمت اور اسے اقوام متحدہ کے منشور اور جنگ کے خاتمے کے سمجھوتے کی کھلی خلاف ورزی قرار دیا۔
اس بیان میں آیا ہے کہ غاصب صیہونی حکومت نے امریکہ کے ساتھ مکمل ہماہنگی کرکے لبنان پر بھی حملہ کیا جو کہ جنگ کے خاتمے کی پہلی شق کی پامالی ہے۔
وزارت خارجہ نے اعلان کیا ہے کہ اقوام متحدہ کے منشور کی شق نمبر 51 کے تحت، اسلامی جمہوریہ ایران کو اپنے اقتدار اعلی، قومی مفادات اور اپنی سلامتی کے تحفظ کے لیے دفاعی اور جوابی اقدامات کا مکمل حق حاصل ہے۔
یہ بھی پڑھیں : امریکہ میں لبنان اور اسرائیل کے درمیان فریم ورک معاہدے پر دستخط
اس بیان میں زور دیکر کہا گیا ہے کہ امریکی جارح افواج کے خلاف ایران کی طاقتور مسلح افواج کی جوابی کارروائی اسی حق کے پیش نظر انجام دی گئی۔
وزارت خارجہ کے بیان میں خـبردار کیا گیا ہے کہ موجودہ حالات کی ذمہ داری مکمل طور پر امریکہ کی عہد شکن اور جارح حکومت نیز ہر اس فریق پر عائد ہوتی ہے جو ایران پر دراندازی کرنے میں امریکہ کا ساتھ دے۔
وزارت خارجہ نے خلیج فارس کے جنوبی ممالک کو ہمسائگی اور بین الاقوامی اصولوں کی پابندی نیز اپنے حدود کو اسلامی جمہوریہ ایران کے خلاف استعمال ہونے کی جانب سے خبردار بھی کیا۔
اس بیان میں اقوام متحدہ کے سیکریٹری جنرل، سلامتی کونسل اور دیگر ذمہ دار بین الاقوامی اداروں سے بھی مطالبہ کیا گیا ہے کہ امریکہ کے ہاتھوں بین الاقوامی قوانین کی مسلسل خلاف ورزی پر توجہ دیں اور علاقائی اور بین الاقوامی قوانین کے بالادستی کے لیے اپنی قانونی اور اخلاقی ذمہ داری پوری کریں۔
The post امریکہ نے سمجھوتے کی خلاف ورزی کی ہے، برداشت نہیں کیا جائے گا/ خلیج فارس کے اطراف کے ملک ہوش کے ناخن لیں: وزارت خارجہ appeared first on شیعہ نیوز پاکستان.
