spot_img

ذات صلة

جمع

قالیباف کا سی این این کی ایران مخالف حالیہ خبرسازی پر ردعمل

ایرانی پارلیمنٹ کے اسپیکر محمد باقر قالیباف نے کہا...

عراق کی طرح جھوٹے پروپگنڈے بند کریں ، سید عباس عراقچی

اسلامی جمہوریہ ایران کے وزیر خارجہ سید عباس عراقچی...

روس: ایران کی جوہری تنصیبات پر جارحیت غیر قانونی تھی

ویانا میں بین الاقوامی اداروں میں روس کے مستقل...

ایم کیو ایم کا وزیراعلیٰ مراد علی شاہ سے فوری استعفے کا مطالبہ

شیعہ نیوز:متحدہ قومی موومنٹ (ایم کیو ایم) پاکستان نے...

جعلی سوشل میڈیا اکاؤنٹس کے ذریعے شیعہ نوجوانوں کے خلاف مقدمات درج کرانے کا رجحان تشویشناک حد تک بڑھ گیا

شیعہ نیوز: پاکستان میں بعض افراد کی جانب سے سوشل میڈیا پر دوسرے لوگوں کے نام سے مبینہ طور پر جعلی اکاؤنٹس بنا کر متنازع مواد شائع کرنے اور بعد ازاں اسی بنیاد پر توہینِ مذہب یا دیگر سنگین دفعات کے تحت مقدمات درج کرانے کے واقعات پر تشویش کا اظہار کیا جا رہا ہے۔

متاثرین کے مطابق، بعض معاملات میں مقدمات کے اندراج کے بعد ملزم سے رقم کا مطالبہ بھی کیا جاتا ہے۔ الزام ہے کہ رقم ادا نہ کرنے کی صورت میں قانونی کارروائی اور دیگر مشکلات کا سامنا کرنا پڑتا ہے۔ ایسے کئی واقعات مختلف افراد کی جانب سے رپورٹ کیے گئے ہیں۔

سماجی حلقوں کا کہنا ہے کہ اس نوعیت کے مقدمات کسی بھی نوجوان کی تعلیم، ملازمت، معاشرتی ساکھ اور مستقبل پر گہرے منفی اثرات مرتب کر سکتے ہیں، چاہے بعد میں وہ عدالت سے بے گناہ ہی کیوں نہ ثابت ہو جائے۔ اسی لیے اس مسئلے کو صرف قانونی نہیں بلکہ ایک اہم سماجی اور قومی مسئلہ قرار دیا جا رہا ہے۔

اس حوالے سے یہ بھی کہا جا رہا ہے کہ متاثرہ افراد کو قانونی اور سماجی معاونت فراہم کرنے کے لیے مقامی سطح پر کمیٹیوں کا قیام عمل میں لایا جائے، جہاں علاقے کے لوگ باہمی تعاون کے ذریعے ضرورت مند افراد کی قانونی، سماجی اور مالی مدد کر سکیں۔

یہ بھی پڑھیں : معروف سوز خواں سید ابرار حسین فتحپوری انتقال کر گئے

مبصرین کے مطابق، اس مسئلے سے مؤثر انداز میں نمٹنے کے لیے متعلقہ اداروں کو جعلی سوشل میڈیا اکاؤنٹس، جھوٹے مقدمات اور مبینہ بھتہ خوری کے الزامات کی شفاف تحقیقات کرنی چاہئیں تاکہ بے گناہ افراد کا تحفظ یقینی بنایا جا سکے اور قانون کے غلط استعمال کی روک تھام ہو سکے۔

عوام نے ملت جعفریہ کے عمائدین سے گزارش کی ہے کہ جلد از جلد اس مسئلے کے اوپر آواز اٹھائیں ورنہ یہ سازش بہت سے نوجوانوں کی زندگیاں تباہ کردیں گی۔

The post جعلی سوشل میڈیا اکاؤنٹس کے ذریعے شیعہ نوجوانوں کے خلاف مقدمات درج کرانے کا رجحان تشویشناک حد تک بڑھ گیا appeared first on شیعہ نیوز پاکستان.

​ 

spot_imgspot_img