شیعہ نیوز: ایران کے اسپیکر ڈاکٹر محمد باقر قالیباف نے کہا ہے کہ آئی اے ای اے کے انسپکٹرس صرف دو مراکز کی تفتیش کرسکتے ہیں، بوشہر ایٹمی بجلی گھر اور تہران ری ایکٹر
– اسلامی جمہوریہ ایران کے اسپیکر ڈاکٹر محمد باقر قالیباف نے بدھ یکم جولائی کی رات، تیس جون کی رات نشر ہونے والی اپنی بات چیت کا سلسلہ جاری رکھتے ہوئے کہا کہ امریکہ نے بارہا کہا تھا کہ اسلامی جمہوریہ ایران کو کوئی رقم نہیں دی جائے گی، لیکن ان کے دورہ قطر اوراسی طرح ثالثی کے نتیجے میں، 6 ارب ڈالر ریلیز ہوگئے اور بقیہ 6 ارب ڈالر ریلیز کرنا قبول کیا گیا ہے۔
انھوں نے کہا کہ زورخ مذاکرات میں بھی اثاثے ریلیز ہونے میں تیزی آئی اور پابندیاں معطل کی گئيں۔
اسپیکر ڈاکٹر محمد باقر قالیباف نے اسی طرح ، بمباری کا نشانہ بننے والی سائٹوں تک آئی اے ای اے کے انسپکٹروں کو دسترسی دینے کی خبر کو جھوٹ قرار دیا۔
یہ بھی پڑھیں : آبنائے ہرمز ایران کی حکمرانی میں ہے سینٹکام کی نہیں
انھوں نے کہا کہ ہم نے اپنی پارلیمنٹ، مجلس شورائے اسلامی میں ایک قانون پاس کیا ہے اور ملک کی اعلی قومی سلامتی کونسل کا فیصلہ بھی اس بارے میں موجود ہے۔
انھوں نے کہا کہ اس قانون کے مطابق بمباری کا نشانہ بننے والی سائٹوں تک دسترسی نہیں دی جاسکتی۔
اسپیکر ڈاکٹر محمد باقر قالیباف نے کہا کہ ملک کی اعلی قومی سلامتی کونسل نے جو معین کردیا ہے، اس سے زیادہ دسترسی ہم کسی بھی طرح نہیں دے سکتے۔
دسترسی کی سطح کا تعین اعلی قومی سلامتی کونسل کے اختیار میں ہے اور اس کے لئے بھی ایک دائرہ کار معین ہے۔
اسلامی جمہوریہ ایران کی مذاکراتی ٹیم کے سربراہ ڈاکٹر محمد باقر قالیباف نے کہا کہ حال حاضر میں آئی اے ای اے کے تفتیش کاروں کو صرف دو مراکز تک دسترسی دی گئی ہے، ایک بوشہر ایٹمی بجلی گھر اور دوسرا تہران ری ایکٹر۔ صرف اسی حدتک دستری مجاز ہے اور ہم اس کے پابند ہیں۔
The post قالیباف: بمباری کا نشانہ بننے والی سائٹوں کی تفتیش کی اجازت دینے کی خبر جھوٹی ہے appeared first on شیعہ نیوز پاکستان.
