شیعہ نیوز: سپاہ پاسداران انقلاب اسلامی نے خبردار کیا ہے کہ اگر دشمنوں نے ایک بار پھر غلط اندازہ لگایا اور جارحیت کا ارتکاب کیا تو ایران کا جواب پہلے سے کہیں زیادہ تباہ کن جواب دیا جائے گا۔
سپاہ پاسداران انقلاب نے ایک بیان جاری کیا ہے جس میں قائد شہید کی تشییع کو صرف الوداعی پروگرام نہیں بلکہ اسلام اور انقلاب کے اعلی اقدار اور شہید آیت اللہ العظمیٰ سید علی خامنہ ای کی راہ پر گامزن رہنے کا عہد قرار دیا گیا ہے۔
اس بیان میں زور دیکر کہا گیا ہے کہ دفاع مقدس کے شہیدوں، استقامتی محاذ کے مجاہد کمانڈروں اور شجرہ طیبہ اسکول کے معصوم بچوں اور رہبر انقلاب کا خون سب عدل الہی اور اسلامی اقدار کو قائم کرنے کی راہ میں بہا ہے اور ملت ایران نے بلند آواز میں اعلان کردیا ہے کہ یہ راستہ ہمیشہ روشن رہے گا اور نصرت الہی کا وعدہ پورے ہونے تک آیت اللہ سید مجتبی خامنہ ای کی قیادت میں یہ انقلاب جاری رہے گا۔
یہ بھی پڑھیں : اسرائیلی جرائم کی حمایت، امریکہ میں فلسطین کے حق میں مظاہرہ کرنے والے 7 افراد کو سزا
سپاہ پاسداران انقلاب نے دشمنوں کو شیطانی محاذ قرار دیتے ہوئے انہیں خبردار کیا کہ اگر اندازوں میں غلطی کی تو ایران کا جواب پہلے سے کہیں زیادہ تباہ کن ہوگا اور دشمنوں کو تاریخ کے لیے ذلت کی مثال بنا دیا جائے گا۔
اس بیان میں دو ٹوک الفاظ میں کہا گیا ہے کہ یہ صرف ایک فوجی مظاہرہ نہیں بلکہ مبعوث شدہ عوام کی دشمنان خدا سے نفرت اور ظلم و ستم سے بیزاری کی علامت ہے جس سے دشمن گھٹنے ٹیکنے پر مجبور ہوجائے گا۔
The post دشمن کے اندازوں کی غلطی کا جواب پہلے سے زیادہ تباہ کن انداز میں دیا جائے گا، سپاہ پاسداران انقلاب کا انتباہ appeared first on شیعہ نیوز پاکستان.
