شیعہ نیوز: امریکہ کی ریاست سان فرانسسکو کی جیوری نے فلسطین کے حق میں مظاہرہ کرنے والے سات افراد کو سزا سنائی ہے، جن پر سنہ 2024ء میں ہونے والے ایک احتجاجی مظاہرے کے دوران گولڈن گیٹ پل کو بند کرنے کا الزام تھا۔
یہ احتجاج اس وقت کی وسیع تر مظاہروں کی لہر کا حصہ تھے جو غزہ کی پٹی پر اسرائیل کی جنگ کے خلاف پورے امریکہ میں پھیل گئے تھے، جس میں مظاہرین نے اسرائیل کے لیے امریکی حمایت بند کرنے اور یونیورسٹیوں کا اسرائیل کی معاون کمپنیوں سے تعلق ختم کرنے کا مطالبہ کیا تھا۔
سان فرانسسکو ڈسٹرکٹ کی اٹارنی بروک جینکنز نے کل جاری کردہ ایک بیان میں اعلان کیا کہ جیوری نے مظاہرین کو چھ سنگین الزامات میں مجرم قرار دیا ہے، جن میں ٹریفک کی نقل و حرکت میں رکاوٹ ڈالنا، منتشر کرنے کے دوران پولیس کے احکامات ماننے سے انکار کرنا اور غیر قانونی اجتماع میں شرکت شامل ہے۔
یہ بھی پڑھیں : غزہ کی پٹی پر اسرائیل کی مسلسل خلاف ورزیوں کے نتیجے میں دو فلسطینی شہید
دوسری جانب جیوری مجرمانہ سازش کے الزام پر کسی فیصلے تک نہیں پہنچ سکی، جو کہ اس مقدمے کا سب سے سنگین الزام ہے اور جس کی سزا ثابت ہونے کی صورت میں 15 سال قید تک ہو سکتی ہے۔
صفائی پیش کرنے والے وکلاء نے اس بات پر زور دیا کہ مظاہرین نے اس جذبے کے تحت یہ قدم اٹھایا جسے انہوں نے غزہ کی پٹی پر اسرائیلی جنگ سے ہونے والی تباہی کی مخالفت کے لیے اخلاقی ذمہ داری قرار دیا۔
دفاعی ٹیم نے وضاحت کی کہ پل بند کرنے کا فیصلہ حکام کو خط لکھنے اور کانگریس کے ارکان سے اپیل کرنے سمیت دیگر پرامن احتجاجی ذرائع کے امریکی موقف میں تبدیلی لانے میں ناکام ہونے کے بعد کیا گیا تھا۔
امریکہ غزہ کی پٹی پر جاری جنگ کے خلاف بڑھتی ہوئی بین الاقوامی تنقید کے باوجود قابض اسرائیل کو وسیع سیاسی، عسکری اور سفارتی حمایت فراہم کر رہا ہے۔ امریکہ نے اقوام متحدہ کی سلامتی کونسل میں جنگ بندی کا مطالبہ کرنے والی قراردادوں کو گرانے کے لیے ایک سے زائد بار ویٹو کا استعمال کیا ہے، جبکہ بین الاقوامی ادارے اور تنظیمیں فلسطینی شہریوں کے خلاف بڑے پیمانے پر ہونے والی خلاف ورزیوں کو دستاویزی شکل دے رہی ہیں۔ اس کے ساتھ ساتھ، بین الاقوامی سطح پر مطالبہ کیا جا رہا ہے کہ بنجمن نیتن یاھو اور ان کی نسل پرست حکومت کے رہنماؤں کو بین الاقوامی فوجداری عدالت کے حوالے کیا جائے، جس نے جنگی جرائم کے ارتکاب پر ان کی گرفتاری کا مطالبہ کیا ہے۔
The post اسرائیلی جرائم کی حمایت، امریکہ میں فلسطین کے حق میں مظاہرہ کرنے والے 7 افراد کو سزا appeared first on شیعہ نیوز پاکستان.
