شیعہ نیوز: سپاہ پاسداران انقلاب اسلامی نے اعلان کیا ہے کہ پیر اور منگل کی درمیانی رات کو “نصر 2” آپریشن کے تحت بحرین کے المحرق میں ایک ریڈار کو مکمل طور پر تباہ کردیا گیا نیز بحرین کے ہی الرفاع علاقے میں پیٹریاٹ ایئرڈیفنس کی ایک مشینری ایرانی ڈرون اور میزائل حملے میں جل کے خاک کر دی گئی۔
سپاہ پاسداران انقلاب کی ایئرواسپیس فورس نے نصر 2 آپریشن کے 24ویں مرحلے کے تحت اور مستقبل کی وسیع کارروائی کا راستہ ہموار کرتے ہوئے بحرین کے المحرق میں ایک امریکی ریڈار سسٹم کو دقیق طور پر مار کرنے والے میزائلوں سے تباہ اور الرفاع میں ایک امریکی پیٹریاٹ ایئرڈیفنس بیٹری کو مسمار کردیا۔
اس کے علاوہ “علی السالم” چھاؤنی میں ڈرون طیاروں کے ایک ہینگر کو نشانہ بنایا گیا جہاں متعدد امریکی ڈرون طیارے تباہ کردیے گئے یا انہیں بھاری نقصان پہنچا۔
یہ بھی پڑھیں : آبنائے ہرمزسے ایرانی عوام کے خلاف استعمال ہونے والے وسائل جانے کی اجازت ہرگز نہیں دی جائے گی
سپاہ پاسداران انقلاب کے اعلان کے مطابق کویت میں واقع امریکی احمد الجابر بیس میں بھی ریڈار، ایک پیٹریاٹ ایئرڈیفنس بیٹری اور سیٹلائٹ مواصلات کا ایک اہم سسٹم تباہ کردیا گیا۔
ان امریکی سسٹموں کی تباہی سے آئندہ دنوں ایران کے میزائلی اور ڈرون حملوں کی افادیت مزید بڑھ جائے گی اور دشمنوں کو ایرانی جوانوں کی اور بھی شدید جوابی کارروائی کا انتظار کرنا پڑے گا۔
The post مغربی ایشیا میں امریکی ریڈار سسٹموں اور ایئرڈیفنس کے لیے رات بڑی خوفناک گزری appeared first on شیعہ نیوز پاکستان.
