زمانۂ حاضر میں حق و باطل کی پہچان؛ بصیرت، استقامت اور امامِ زمانہؑ کے حقیقی منتظر کی ذمہ داری

حوزہ/انسانی تاریخ کا ہر باب ایک حقیقت کو دہراتا ہے کہ اس دنیا میں دو محاذ ہمیشہ آمنے سامنے رہے ہیں؛ ایک محاذِ حق اور دوسرا محاذِ باطل۔ حضرت آدم سے لے کر خاتم الانبیاء حضرت محمد مصطفیٰ (ص) تک، ہر نبی نے انسان کو توحید، عدل اور حق کی دعوت دی، جبکہ باطل نے کبھی طاقت، کبھی دولت، کبھی فریب اور کبھی پروپیگنڈے کے ذریعے اس نور کو بجھانے کی کوشش کی؛ لیکن خدا نے ہمیشہ اپنے وعدے کو سچا ثابت کیا کہ حق باقی رہنے والا اور باطل مٹنے والا ہے۔