شیعہ نیوز: صہیونی میڈیا کے مطابق آج کل صیہونی حکام اپنی سیکورٹی کے لئے غیر معمولی اقدامات کر رہے ہيں۔
اس سلسلے میں ایک صہیونی تجزیہ کار نے انکشاف کیا ہے کہ ایران کے خوف کی وجہ سے صہیونی کابینہ کو ایک زیرزمین پناہ گاہ میں اجلاس منعقد کرنے پر مجبور ہونا پڑا اور نیتن یاہو کا دورہ امریکہ بھی غیر معمولی سیکورٹی اقدامات اور خفیہ طریقے سے کیا گیا ہے۔
صہیونی اخبار “معاریو” کے فوجی امور کے نامہ نگار اور تجزیہ کار “آوی اشکنازی” نے انکشاف کیا ہے کہ صہیونی حکومت کی داخلہ سیکورٹی کے ادارے شاباک کی شخصیات کے تحفظ کے لئے خاص یونٹ نے انتخابات کے قریب آتے ہی سیکورٹی اقدامات کی سطح میں نمایاں اضافہ کیا ہے اور وزیراعظم، متعدد وزراء اور کابینہ کے اجلاسوں کے تحفظ پر خاص توجہ دی جا رہی ہے ۔
یہ بھی پڑھیں : یوکرین ، ایران کو پہنچنے والے نقصانات کا ازالہ کرے : ایرانی وزیر کا ایکس پیغام
اشکنازی نے بتایا ہے کہ صہیونی کابینہ کا اجلاس دو روز قبل ایک زیرزمین پناہ گاہ میں منعقد ہوا، یہ اقدام اس اجلاس میں موجود تمام افراد کو نشانہ بنائے جانے کے خدشے کی وجہ سے کیا گیا۔
اشکنازی نے یہ بھی لکھا ہے کہ نیتن یاہو نے پیر کو غیر معمولی سیکورٹی کے تحت امریکا کا رخ کیا۔
اس رپورٹ کے مطابق، ان کا خصوصی طیارہ “کنگ ڈیوِڈ” معمول کے برعکس، بن گوریون ہوائی اڈے کی بجائے “نواتیم” ایئر بیس سے روانہ ہوا اور اس دورے کی خبر طیارے کی پرواز کے بعد عام کی گئی اسی طرح وزیراعظم کے دفتر نے طیارے کی مقبوضہ علاقوں کی فضائی حدود سے نکلنے تک نیتن یاہو کے دورے سے قبل اور طیارے کی سیڑھیوں پر ديئے جانے والے پیغام کو منظر عام پر لانے سے پرہیز کیا۔
رپورٹ میں زور دیا گیا ہے کہ کل دوپہر تک، شاباک کے پاس صیہونی وزیراعظم یا دیگر شخصیات کو قتل کرنے کے منصوبے کے بارے میں کوئی مخصوص انٹیلیجنس وارننگ نہیں تھی، لیکن شاباک ایران کی جانب سے ایسے اقدامات کے خدشات کو سنجیدگی سے لیتا ہے۔
The post ایران کے خوف کے بادل تل ابیب پر ، نیتن یاہو نے پناہ گاہ میں اجلاس رکھا اور خفیہ طور پر امریکہ کا دورہ کیا appeared first on شیعہ نیوز پاکستان.
