شیعہ نیوز: غرب اردن میں جاری صیہونی حکومت کے مجرمانہ اقدامات اور منصوبے پر حماس نے غاصب صیہونی حکومت کو سخت وارنگ دی ہے۔
تحریک حماس نے صہیونی وزیر جنگ کی جانب سے غرب ادرن میں ایک اور فلسطینی کیمپ تباہ کرنے کے احکامات کے ردعمل میں ایک بیان جاری کیا اور مجرمانہ منصوبوں کے بارے میں خبردار کیا ہے۔
حماس کے بیان میں کہا گیا ہے: صہیونی وزیر جنگ “اسرائیل کاتس” کی جانب سے غرب اردن میں ایک اور فلسطینی پناہ گزيں کیمپ تباہ کرنے اور اس کے باشندوں کو بے دخل کرنے کی کوشش، ایک دہشت گردانہ اقدام اور فاشزم ہے اور غاصب صیہونی حکومت کے حکام کی جانب سے نسل کشی اور مجرمانہ ذہنیت اور فلسطینی قوم کے خلاف بدترین جرائم کے ارتکاب میں ان کی بے شرمی کا ثبوت ہے ۔
یہ بھی پڑھیں : واشنگٹن میں نیتن یاہو کی آمد پر احتجاج، مظاہرین نے گرفتاری کا مطالبہ کر دیا
واضح رہے صہیونی حکومت کے ٹیلی ویژن چینل 13 نے رپورٹ دی ہے کہ صیہونی وزیر جنگ “یسرائیل کاتس” نے فوج کو حکم دیا ہے کہ وہ غرب اردن میں ایک اور فلسطینی پناہ گزین کیمپ پر قبضے کی تیاری کرے۔
اس رپورٹ کے مطابق، یہ حکم جینن، طولکرم اور نور شمس کے کیمپوں میں صیہونی فوج کی کارروائیوں کے سلسلے میں دیا گيا ہے۔
صہیونی وزیر جنگ کے دفتر کے بیان کے مطابق، یہ فیصلہ پیر کی شام کو سیکورٹی اجلاس میں چیف آف اسٹاف ایال زمیر اعلی فوجی حکام کی موجودگی میں کیا گيا۔
The post غرب اردن میں مجرمانہ اقدامات پر صیہونی حکومت کو حماس نے وارننگ دی appeared first on شیعہ نیوز پاکستان.
