شیعہ نیوز: ذرائع ابلاغ اور تھنک ٹینکس کی رپورٹس کے مطابق ایران کے ساتھ حالیہ جنگی کشیدگی نے امریکی فوج کے جدید اسلحہ ذخائر، خصوصاً فضائی دفاعی میزائل سسٹمز، کو غیر معمولی حد تک متاثر کیا ہے۔
ایران جنگ نے امریکی میزائل ذخائر خالی کر دیئے، دفاعی پیداوار برسوں پیچھے رہ گئی۔
21 جولائی ٹیلی گراف کی ابتدائی رپورٹ کے بعد 25 جولائی کو امریکی حملوں میں اچانک وقفہ آیا، جبکہ 29 جولائی 2026 کو سی این این کی رپورٹ نے تصدیق کی کہ اس وقفے کی ایک بڑی وجہ اسلحہ کے تیزی سے کم ہوتے ذخائر تھے۔
یہ معلومات پینٹاگون کے ڈیٹا سے واقف تین ذرائع اور بیرونی تجزیہ کاروں کی رپورٹ پر مبنی ہیں، جنہوں نے کہا کہ اہم فضائی دفاعی میزائلوں سمیت امریکی ذخائر شدید حد تک کم ہو چکے ہیں۔
جنگ سے قبل امریکی اسلحہ کے ذخائر کا جائزہ لیں تو سینٹر فار اسٹریٹجک اینڈ انٹرنیشنل اسٹڈیز (CSIS) کے مطابق امریکہ کے پاس جدید پیٹریاٹ میزائلوں کی دو اہم اقسام کی تعداد تقریباً 2200 سے 2330 کے درمیان تھی، جبکہ تھاڈ بیلسٹک میزائل انٹرسیپٹرز کی تعداد تقریباً 452 تھی۔
اس کے علاوہ 410 کے قریب SM-3، 1160 SM-6، 3500 سے زائد ٹام ہاک کروز میزائل اور تقریباً 3500 جاسم میزائل موجود تھے، جو کسی بھی بڑے تنازعے کے لیے مضبوط دفاعی و جارحانہ صلاحیت کی عکاسی کرتے تھے۔
تاہم جنگ کے بعد کی صورتحال میں نمایاں کمی دیکھی گئی۔
یہ بھی پڑھیں : آبنائے ہرمز میں ایران کی اجازت کے بغیر کوئی نقل و حرکت نہیں ہو سکتی، ایڈمرل سیاری
29 جولائی کی رپورٹ کے مطابق پیٹریاٹ میزائلوں کی تعداد کم ہو کر 759 سے 827 کے درمیان رہ گئی، جبکہ تھاڈ انٹرسیپٹرز 278 سے بھی کم رہ گئے ہیں۔ اس طرح پیٹریاٹ سسٹم میں کم از کم 65 فیصد اور تھاڈ میں تقریباً 38 فیصد کمی واقع ہوئی-
ایران کے خلاف حالیہ لڑائی میں 1060 سے 1500 پیٹریاٹ میزائل استعمال کیے گئے، جبکہ تھاڈ کے 190 سے 290 انٹرسیپٹرز فائر کیے گئے۔
اسی طرح ایک ہزار سے زائد ٹام ہاک اور 1100 سے زائد جاسم میزائل بھی استعمال ہوئے، جبکہ SM-3 کے 130 سے 250 اور SM-6 کے 190 سے 370 میزائل خرچ ہوئے۔ یہ اعداد و شمار ظاہر کرتے ہیں کہ چند ہفتوں کی جنگ میں کئی سال کی پیداوار استعمال ہو گئی۔
نیو یارک ٹائمز کے مطابق ایران کی جانب سے بڑے پیمانے پر ڈرونز اور میزائل حملوں کے جواب میں امریکی دفاعی حکمت عملی کے تحت ہر ہدف کو تباہ کرنے کے لیے عموماً دو انٹرسیپٹرز استعمال کیے گئے، جس کے نتیجے میں ذخائر دوگنی رفتار سے ختم ہوئے۔
The post ایران جنگ نے امریکی میزائل ذخائر خالی کردیئے appeared first on شیعہ نیوز پاکستان.
