تیل کی ترسیل کے میدان میں دنیا کو سب سے بڑے جھٹکے کا سامنا ہے، آرامکو کے سربراہ

شیعہ نیوز: سعودی عرب کی تیل کی سب سے بڑی کمپنی آرامکو کے سربراہ امین بن حسن الناصر نے تیل کی ترسیل پر آبنائے ہرمز کے بند ہونے کے اثرات کو باعث تشویش قرار دیا ہے۔

انہوں نے کہا کہ دنیا کو تیل کے شعبے میں تاریخی جھٹکے کا سامنا ہے۔

آرامکو کے سربراہ نے کہا کہ خطے کے معاملات کے اثرات تیل کی مارکیٹوں کو متاثر کر رہے ہیں اور بحران کی ابتدا سے اب تک ڈھائی ارب بیرل تیل مارکیٹوں تک نہیں پہنچ سکا ہے۔

یہ بھی پڑھیں : 112 شہیدوں کے جنازے غزہ میں صیہونی حکومت کے وحشیانہ جرائم کے گواہ ہیں، خلیل الحیہ

انہوں نے کہا کہ اس بحران کا دائرہ خام تیل تک محدود نہیں رہے گا بلکہ اس سے غذائی اور بنیاد مصنوعات کی مارکیٹ بھی متاثر ہوسکتی ہے کیونکہ پوری دنیا میں زیر استعمال کھاد کا تہائی حصہ آبنائے ہرمز سے گزرتا ہے جس کے نتیجے میں عالمی معیشت اور اشیائے خورد و نوش کی عالمی مارکیٹ تہ و بالا ہوجائے گی۔

امین بن حسن الناصر نے کہا کہ آرامکو نے خریداروں کی ضرورت کو کسی حد تک اپنے اسٹریٹیجک ذخیروں سے پورا کر لیا ہے لیکن یہ صورت حال طویل عرصے تک جاری نہیں رہ سکتی۔

The post تیل کی ترسیل کے میدان میں دنیا کو سب سے بڑے جھٹکے کا سامنا ہے، آرامکو کے سربراہ appeared first on شیعہ نیوز پاکستان.

​