ایران کے خلاف جنگ میں واشنگٹن کے غلط مفروضات

شیعہ نیوز: چیٹم ہاؤس تھنک ٹینک نے خبردار کیا ہے کہ واشنگٹن ایران کے خلاف جنگ میں غلط مفروضات پربھروسہ کرکے اعصاب شکن جنگ جاری رہنے کے خطرات بڑھا رہا ہے

– چیٹم ہاؤس تھنک ٹینک نے ایران کے خلاف امریکہ اور اسرائیل کی جںگ کے پانچ مہینوں کی تجزیاتی رپورٹ میں جارحین کو ان کے سبھی بنیادی اہداف میں ناکام قرار دیا ہے۔

برطانوی تھنک ٹینک چیٹم ہاؤس نے لکھا ہے کہ نظام کی تبدیلی، تہران کو گھٹنے ٹیکنے پر مجبورکرنا اور ایران کی فیصلہ کن اسٹریٹیجک توانائی ختم کردینا اس جنگ کے بنیادی اہداف تھے جو پورے نہیں ہوئے۔

یہ تھنک ٹینک اپنے تجزیئے میں لکھتا ہے کہ واشنگٹن غلط مفروضات پرعمل کرکے اپنے لئے ایک تھکادینے والی اعصاب شکن جنگ میں گرفتار ہوجانے کے خطرات بڑھاتا جارہا ہے۔

یہ بھی پڑھیں : امریکہ میں پٹرول کی قیمتوں میں اضافہ ، وائٹ ہاؤس: قیمت کم کرنے کے لیے کوشاں ہیں

لندن کا یہ تھنک ٹینک اپنی تجزیاتی رپورٹ ميں لکھتا ہے کہ ایران نے اپنے فوجی اثاثوں کے مکمل تحفظ پر توجہ مرکوز کرنے کے بجائے، 2024 اور 2025 کی لڑائیوں کے تجربے کی بنیاد پر اپنی ڈاکٹرائن تبدیل کرلی ہے۔

اس برطانوی تھنک ٹینک کے مطابق، اس سے پہلے جس کو آپریشنل کمزروی سمجھا جاتا تھا، اب وہی فوجی ٹریننگ کی ایک روش سے مشابہت رکھتا ہے جس سے ایک مختصر مدت کی نہیں بلکہ طولانی اور فیصلہ کن جنگ کی تیاری کے لئے کام لیا جارہا ہے۔

چیٹم ہاؤس لکھتا ہے کہ اس جںگ کے ایران کے سیاسی نظام کے خاتمے، تہران کے گھٹنے ٹیکنے پرمجبورہوجانےاور ایران کی اسٹریٹیجک توانائیوں کی بنیادوں کے کمزور ہوجانے پر منتج ہونے کی توقع پوری نہیں ہوئی اور اگربہت خوش فہمی کی بنیاد پر تجزیہ کیا جائے تب بھی یہ توقعات غلط تھیں اوراگر حقیقت پسندانہ نقطہ نگاہ سے دیکھا جائے تو یہ ایک (نہ پوری ہونے والی) آرزو تھی، جس کو حقیقی اسٹریٹیجی کے بجائے، فیصلے کی بنیاد قرار دیا گیا۔

The post ایران کے خلاف جنگ میں واشنگٹن کے غلط مفروضات appeared first on شیعہ نیوز پاکستان.

​