شیعہ نیوز: جماعت اسلامی کے امیر حافظ نعیم الرحمان نے پاکستان، سعودی عرب اور ترکیہ کے درمیان ہونے والے مشترکہ دفاعی معاہدے کو خوش آئند قرار دیتے ہوئے کہا ہے کہ یہ پیش رفت مسلم ممالک کے درمیان اتحاد، یکجہتی اور باہمی تعاون کی جانب اہم قدم ہے۔
اپنے ایک ٹویٹ میں حافظ نعیم الرحمان نے کہا کہ دفاعی معاہدہ خطے میں مسلم ممالک کے درمیان اتحاد و ہم آہنگی کی علامت بنے گا اور اس سے غیر مسلم طاقتوں پر انحصار کم کرنے میں مدد ملے گی۔
انہوں نے زور دیا کہ ایران کو بھی اس معاہدے میں شامل کیا جائے، کیونکہ ایران ایک فطری اتحادی ہے۔ ایران کی شمولیت سے پورے خطے میں امن، استحکام اور باہمی تعاون کے نئے دور کا آغاز ہوسکتا ہے۔
یہ بھی پڑھیں : پاکستان، سعودی عرب اور ترکیہ کے دفاعی معاہدے میں ایران کو بھی شامل کیا جائے: حافظ نعیم الرحمان
حافظ نعیم الرحمان نے مزید کہا کہ مستقبل میں قطر، ملائیشیا، انڈونیشیا، بنگلہ دیش سمیت دیگر مسلم ممالک کو بھی اس اتحاد کا حصہ بنایا جاسکتا ہے۔
واضح رہے کہ جمعہ کو پاکستان، سعودی عرب اور ترکیہ کے درمیان مشترکہ دفاعی معاہدہ طے پانے کی اطلاعات سامنے آئی ہیں، جسے ’’مکہ معاہدہ‘‘ بھی کہا جا رہا ہے۔ معاہدے کے تحت ایک ملک پر حملے کو تینوں ممالک پر حملہ تصور کیا جائے گا۔ اس سے قبل پاکستان اور سعودی عرب کے درمیان گزشتہ برس ستمبر میں بھی دفاعی معاہدہ طے پایا تھا۔
The post پاکستان، سعودی عرب اور ترکیہ کے دفاعی معاہدے میں ایران کو بھی شامل کیا جائے: حافظ نعیم الرحمان appeared first on شیعہ نیوز پاکستان.
