شیعہ نیوز: گوادر: اسلام آباد ہوٹل کی انتظامیہ کی جانب سے زائرینِ سید الشہداء کے ساتھ مبینہ نامناسب اور نازیبا رویے کی شکایات سامنے آگئی ہیں۔
متاثرہ زائرین کے مطابق دو افراد کے لیے مختص کمرے میں 15 زائرین کو ٹھہرایا گیا اور اس کے باوجود ان سے اضافی رقم وصول کی جا رہی ہے۔
زائرین کا کہنا ہے کہ ہوٹل کے واش رومز بھی مبینہ طور پر بند کر دیے گئے ہیں، جبکہ پینے کے صاف پانی جیسی بنیادی سہولت بھی دستیاب نہیں، جس کے باعث زائرین کو شدید مشکلات کا سامنا ہے۔
یہ بھی پڑھیں : ٹرمپ کا ایران کے خلاف معاشی جنگ شروع کرنے کا اعلان، دنیا کو تہران سے کاروبار ختم کرنے کی وارننگ
واقعے پر زائرین اور عوام میں تشویش اور غم و غصہ پایا جا رہا ہے۔ متاثرہ زائرین نے ڈپٹی کمشنر گوادر سے مطالبہ کیا ہے کہ معاملے کا فوری نوٹس لے کر ہوٹل انتظامیہ سے تحقیقات کی جائیں اور اگر شکایات درست ثابت ہوں تو زائرین کو مبینہ طور پر ہراساں کرنے اور بنیادی سہولیات سے محروم رکھنے والوں کے خلاف قانون کے مطابق سخت کارروائی عمل میں لائی جائے۔
The post گوادر: زائرینِ سید الشہداء سے ہوٹل انتظامیہ کی بدسلوکی، ڈپٹی کمشنر سے فوری نوٹس کا مطالبہ appeared first on شیعہ نیوز پاکستان.
