شیعہ نیوز: مجلس وحدت مسلمین پاکستان کی مرکزی کابینہ کا اہم اجلاس مرکزی دفتر اسلام آباد میں منعقد ہوا، جس کی صدارت چیئرمین مجلس وحدت مسلمین پاکستان قائد حزب اختلاف سینیٹ آف پاکستان سینیٹر علامہ راجہ ناصر عباس جعفری حفظہ اللہ نے کی۔
اجلاس میں ملک کی موجودہ سیاسی، ملی اور تنظیمی صورتحال کا تفصیلی جائزہ لیا گیا اور تنظیمی امور کے حوالے سے اہم فیصلے کیے گئے۔
اجلاس میں اس عزم کا اظہار کیا گیا کہ ملک بھر میں مجلس وحدت مسلمین کے تنظیمی ڈھانچے کو مزید فعال اور مضبوط بنایا جائے گا، جبکہ تنظیمی فعالیت میں تسلسل اور رابطہ کاری کو مزید مؤثر بنانے کے لیے عملی اقدامات کیے جائیں گے۔
یہ بھی پڑھیں : فیلڈ مارشل صاحب توجہ دیں، غیر ضروری اخراجات ختم کروائیں، اشرافیہ کو پالا جا رہا ہے جبکہ غریبوں کو پوچھنے والا کوئی نہیں،حافظ ریاض نجفی
اجلاس میں گزشتہ سرگرمیوں کا جائزہ لینے کے ساتھ آئندہ کے تنظیمی و ملی پروگرامز کے حوالے سے بھی مشاورت کی گئی۔
اس موقع پر ہفتۂ وحدت کو ملک بھر میں بھرپور انداز میں منانے کا فیصلہ کیا گیا، جس کے تحت مختلف صوبوں اور اضلاع میں میلادِ رسول اکرم ﷺ، کے جلوسوں کے لئے استقبالیہ کیمپ اور دیگر اہم پروگرامات منعقد کیے جائیں گے۔
اجلاس میں وائس چیئرمین علامہ سید احمد اقبال رضوی، علامہ سید حسنین عباس گردیزی سمیت مرکزی کابینہ کے دیگر اراکین نے شرکت کی۔
The post سینیٹرعلامہ راجہ ناصرعباس کی زیرصدارت ایم ڈبلیوایم کی مرکزی کابینہ کااہم اجلاس،ملکی سیاسی وتنظیمی صورتحال کا جائزہ appeared first on شیعہ نیوز پاکستان.
