امریکا کے چیف آف نیول آپریشنز، ایڈمیرل کوڈل نے کہا ہے کہ میں واضح کردینا چاہتا ہوں کہ ہم اتنی جلدی بحرینی فوجی اڈے میں واپس نہیں جائیں گے۔
یہ پہلا موقع ہے کہ امریکی بحریہ کے سینیئر کمانڈرنے کھلے عام اس بات کا اعلان کیا ہے کہ امریکی فوجی دنیا میں اپنے سب سے بڑے اڈے، یعنی بحرین میں امریکی بیس میں مستقبل قریب میں واپس نہيں جائيں گے۔
بحرین میں امریکی بحریہ کا اڈہ، اس کے پانچویں بیڑے کا ہیڈکواٹر ہے جو 28 فروری کوامریکا اورصیہونی حکومت کے وحشیانہ حملوں کے بعد ایران کے جوابی حملوں کی پہلی ہی لہر میں نشانہ بنا تھا۔
امریکی وزارت جنگ نے ان حملوں کے اثرات بہت کم بتائے تھے لیکن 6 مہینے گزرجانے اور ابراہم لنکن طیارہ بردار جنگی بیڑے کی حالت بحرانی ہوجانے کے بعد،یہ بات سامنے آئی ہے کہ بحرین میں امریکا کے فوجی اڈے کو وسیع نقصان پہنچا ہے۔
بعض رپورٹوں میں امریکا کے اس فوجی اڈے کو پہنچنے والے نقصان کا تخمینہ 40 کروڑ ڈالر لگایا گیا ہے۔
ایڈمیرل کوڈل: بحرینی اڈے میں مستقبل قریب میں امریکا کی واپسی ممکن نہیں ہے
