شیعہ نیوز: سکیورٹی فورسزکی بلوچستان میں فتنہ الہندوستان اورفتنہ الخوارج کے خلاف کارروائیوں میں 21 دہشتگرد ہلاک ہوگئے جبکہ فائرنگ کے تبادلے میں 2 افسران اورکسٹمز کے ایک سرکاری اہلکارسمیت 6 بہادرسپوت شہید ہوئے۔
آئی ایس پی آر کے مطابق 31 اگست اوریکم ستمبرکی درمیانی شب چاغی کے علاقے نوکچہ اور ضلع پشین زیارت کراس میں کارروائیاں کی گئیں۔
آئی ایس پی آر کے مطابق فتنہ الہندوستان کے دہشتگردوں نے کوئٹہ تفتان قومی شاہراہ این 40 پر مسافروں کی آمدورفت میں خلل ڈالنے اورغیرقانونی چیک پوسٹ قائم کرنے کی کوشش کی جس پر سکیورٹی فورسز نے فوری کارروائی کی۔
کارروائی کے دوران فائرنگ کے تبادلے میں 11 دہشتگرد ہلاک ہوگئے جن کے قبضے سے بڑی تعداد میں اسلحہ،گولہ بارود اوردھماکا خیز مواد برآمد ہوا۔
یہ بھی پڑھیں : ایرانی میزائل اردن میں امریکی اڈے سے براہ راست جا ٹکرایا، صہیونی میڈیا
آئی ایس پی آر کے مطابق سکیورٹی فورسز نے 31 اگست اوریکم ستمبرکی درمیانی شب کسٹمز ہاؤس پر فتنہ الخوارج کاحملہ بھی ناکام بنتے ہوئے 10 دہشتگردوں کو ہلاک کردیا۔
آئی ایس پی آر کے مطابق فراردہشتگردوں کوبھی سکیورٹی فورسز نے نشانہ بنایا جس کے نتیجے میں مزید دہشتگرد ہلاک و زخمی ہوئے تاہم فائرنگ کے تبادلے میں 2 افسران اور کسٹمز ڈپارٹمنٹ کے ایک سرکاری اہلکار سمیت قوم کے 6 بہادر سپوت شہید ہوئے۔
آئی ایس پی آر کا کہنا ہے کہ کسٹمز ہاؤس پرحملہ دہشتگردی اور جرائم کے گٹھ جوڑ کا مظہر تھا، حملے کا مقصد کسٹمز حکام کو اپنے قانونی فرائض کی انجام دہی سے روکنا اور علاقے میں جاری مجرمانہ سرگرمیوں کو جاری رکھنے میں سہولت فراہم کرنا تھا
The post بلوچستان میں فورسز کی کارروائیوں میں 21 دہشتگرد ہلاک، کسٹمز اہلکار سمیت 6 بہادر سپوت شہید appeared first on شیعہ نیوز پاکستان.
