شیعہ نیوز: حماس کے سینیئر کمانڈر محمود مرداوی نے زور دیکر کہا ہے کہ غرب اردن میں صیہونی آبادکاروں کی بربریت اور حملے، ملت فلسطین اور ان کے استقامت کے جذبے کی روشنی کو بجھا نہیں سکتے۔
فلسطین الیوم کے مطابق، محمود مرداوی نے کہا ہے کہ صیہونی حکومت فلسطینی عوام کو نسل کشی کا نشانہ بنائے ہوئے ہے اور غرب اردن اور غزہ پٹی میں دنیا کی نظروں کے سامنے قتل عام کا ارتکاب کر رہی ہے۔
یہ بھی پڑھیں : امن کونسل کے سامنے غزہ کا امتحان، حماس کا نسل کشی روکنے کے لیے عملی اقدامات کا مطالبہ
انہوں نے افسوس کا اظہار کیا کہ دنیا والوں نے بھی صیہونی حکومت کی فاشزم اور خونخواری کے انسداد کے لیے کوئی قدم نہیں اٹھایا ہے۔
حماس کے سینیئر عہدے دار محمود مرداوی نے کہا کہ صیہونی حکومت ایک جانب اپنے فوجیوں کے ذریعے فلسطین اور فلسطینی عوام کا قتل عام کر رہی ہے تو دوسری جانب غاصب آبادکاروں کا لگام چھوڑ کر ملت فلسطین کے خلاف بربریت کو جواز فراہم کیے ہوئے ہے۔
انہوں نے زور دیکر کہا کہ ان سب سازشوں کے باوجود فلسطینی عوام اپنے اقدار اور اصولوں پر قائم ہیں اور صیہونی آبادکار، غاصب فوجی اور تل ابیب کی درندہ حکومت استقامت کی روشنی کو بجھانے میں ناکام رہیں گے۔
The post صیہونی آبادکار استقامت کی روشنی کو بجھا نہیں پائيں گے، حماس appeared first on شیعہ نیوز پاکستان.
