شیعہ نیوز: امریکی نشریاتی ادارے نے ایران کے اردن میں امریکی فوجی اڈے پر میزائل حملوں کے دوران متعدد امریکی جنگی طیاروں کو نقصان پہنچنے کی اطلاع دی ہے۔
تسنیم نیوز ایجنسی کے بین الاقوامی گروپ کے مطابق، امریکی نیوز نیٹ ورک سی بی ایس نے ایک رپورٹ میں لکھا ہے کہ ایران کی جانب سے اردن میں واقع موفق السلطی ایئربیس پر حالیہ حملوں کے دوران متعدد امریکی فوجی طیاروں کو نقصان پہنچا۔
یہ بھی پڑھیں : حماس کے مذاکراتی وفد پر دوحہ حملے کی اندرونی کہانی, باسم نعیم کا تہلکہ خیز انکشاف
سی بی ایس کی رپورٹ کے مطابق، 8 ایف-15 جنگی طیاروں کو معمولی نوعیت کا نقصان پہنچا، جبکہ ایک A-10 تھنڈر بولٹ طیارہ، جسے وارٹ ہاگ (Warthog) بھی کہا جاتا ہے، براہِ راست زد میں آیا اور اس کا ایک پر ضائع ہو گیا۔
اس امریکی نیٹ ورک کے مطابق، ان حملوں کے نتیجے میں امریکی فوجیوں میں کسی جانی نقصان کی اطلاع نہیں ہے۔
رپورٹ میں مزید کہا گیا ہے کہ ایرانی میزائل حملوں کی شدید بوچھاڑ کا مقابلہ کرنے کے لیے امریکی فورسز نے 30 سے زائد پیٹریاٹ میزائل فائر کیے۔
امریکی حکام نے پیٹریاٹ میزائلوں اور دیگر درست نشانے والے گولہ بارود کے ذخائر میں تیزی سے کمی پر تشویش کا اظہار کیا ہے۔ یہ تشویش گزشتہ کئی ہفتوں سے مختلف رپورٹس میں بھی سامنے آتی رہی ہے۔
The post اردن میں امریکی اڈے پر ایرانی کے حملے میں 9 جنگی طیاروں کو نقصان پہنچا، سی بی ایس appeared first on شیعہ نیوز پاکستان.
