شیعہ نیوز: محمد اسلامی اجلاس سے خطاب کے علاوہ مختلف ممالک کے سفیروں اور نمائندوں سے جوہری تعاون اور جوہری سائنس و ٹیکنالوجی کے شعبے میں دوطرفہ و بین الاقوامی روابط کے فروغ پر بات چیت کریں گے۔
رپورٹ کے مطابق، ایرانی جوہری توانائی ادارے کے سربراہ محمد اسلامی بین الاقوامی جوہری توانائی ایجنسی کی جنرل کانفرنس کے 70ویں اجلاس میں شرکت کے لیے تہران سے ویانا روانہ ہوگئے۔
محمد اسلامی کانفرنس کے سالانہ اجلاس سے خطاب کریں گے۔ اس کے علاوہ وہ مختلف ممالک کے سفیروں اور نمائندوں سے ملاقاتیں کرکے جوہری تعاون سے متعلق امور اور جوہری سائنس و ٹیکنالوجی کے شعبے میں دوطرفہ اور بین الاقوامی روابط کے فروغ پر تبادلہ خیال کریں گے۔
یہ بھی پڑھیں : تہران اور ماسکو کا اسٹریٹجک تعلقات مزید مضبوط بنانے کا مشترکہ عزم
قومی جوہری توانائی ادارے کے سربراہ کانفرنس کے موقع پر مختلف ممالک کے متعدد حکام اور نمائندوں سے بھی ملاقاتیں اور مشاورت کریں گے۔
ایران کے جوہری توانائی ادارے کے دیگر حکام بھی کانفرنس کے دوران مختلف ممالک کے نمائندوں سے ملاقات کرکے تعاون کے شعبوں اور جوہری امور سے متعلق باہمی تعاملات پر تبادلہ خیال کریں گے۔
The post ایران کے جوہری توانائی ادارے کے سربراہ آئی اے ای اے کے اجلاس میں شرکت کے لیے ویانا روانہ appeared first on شیعہ نیوز پاکستان.
