شیعہ نیوز: سپریم نیشنل سیکورٹی کونسل کے سیکریٹری نے کہا ہے کہ “ہمیں امریکہ پر بالکل بھی اعتماد نہیں ہے؛ واشنگٹن کو عملی اقدامات کے ذریعے ہمارا اعتماد حاصل کرنا ہوگا۔”
رپورٹ کے مطابق سپریم نیشنل سیکورٹی کونسل کے سیکریٹری میجر جنرل محسن رضائی نے یہ بات پیٹریاٹک یونین آف کردستان (PUK) کے رہنما بافل طالبانی کے ساتھ ملاقات کے دوران کہی۔
ایران کی سپریم نیشنل سیکورٹی کونسل کے سیکریٹری نے دہشت گرد گروہوں سے نمٹنے، سرحدی سیکورٹی کو یقینی بنانے اور اقتصادی تعاون کے فروغ کی ضرورت پر زور دیا۔
یہ بھی پڑھیں : آیت اللہ العظمیٰ سیستانی کی ایران کو 11 میلین ڈالر کی امداد
میجر جنرل محسن رضائی نے دہشت گرد گروہوں سے نمٹنے اور سرحدی سیکورٹی کو یقینی بنانے کی ضرورت کا اعادہ کرتے ہوئے کردستان کے علاقے میں اسرائیل کی سرگرمیوں کی بابت بھی خبردار کیا۔
ایران کی سپریم نیشنل سیکورٹی کونسل کے سیکریٹری نے مزید کہا کہ ہمیں امریکہ پر بالکل بھی اعتماد نہیں ہے؛ لہذا واشنگٹن کو عملی اقدامات کرنے ہوں گے اور ہمارا اعتماد حاصل کرنا ہوگا۔”
پی یو کے (PUK) کے رہنما بافل طالبانی نے بھی اقتصادی، سیکورٹی اور سفارتی تعاون میں اضافے کا خیرمقدم کیا اور دہشت گرد گروہوں کے مسئلے سے نمنٹنے اور سرحدی سیکورٹی کے قیام کی ضرورت پر زور دیا۔
The post ہمیں امریکہ پر بالکل بھی اعتماد نہیں ہے، میجر جنرل محسن رضائی appeared first on شیعہ نیوز پاکستان.
