شیعہ نیوز: یمنی ذرائع کے مطابق سعودی فورسز نے صوبہ صعدہ کے سرحدی علاقوں میں رہائشی علاقوں پر شدید میزائل اور توپ خانے سے حملے کیے ہیں۔
رپورٹ کے مطابق یمنی ذرائع نے بتایا ہے کہ شمالی یمن کے صوبہ صعدہ کے اضلاع الظاہر اور حیدان میں رہائشی علاقوں اور سرحدی دیہات کو سعودی فورسز کی جانب سے شدید میزائل اور توپ خانے کے حملوں کا نشانہ بنایا گیا۔
رپورٹ کے مطابق سعودی فوج نے یمن کے خلاف اپنی نئی کارروائی کے دوران ضلع الظاہر کے گنجان آباد علاقوں اور متعدد سرحدی دیہات پر بڑے پیمانے پر گولہ باری کی۔ جس کے نتیجے میں بنیادی ڈھانچے اور شہریوں کے گھروں کو نقصان پہنچا۔
یہ بھی پڑھیں : رام اللہ میں فائرنگ سے ایک یہودی آباد کار ہلاک اور کئی زخمی
یمنی ذرائع نے بتایا کہ سعودی فضائی حملوں میں خب اور شعف کے علاقوں میں مواصلاتی ٹاورز کو بھی نشانہ بنایا گیا، جس کے نتیجے میں چار کارکن جاں بحق اور تین دیگر زخمی ہوئے۔
دوسری جانب یمنی ذرائع نے شمالی یمن کے صوبہ الجوف پر سعودی عرب کی جانب سے ایک اور حملے کی بھی اطلاع دی ہے۔
The post یمن، صوبہ صعدہ میں رہائشی علاقوں پر سعودی حملوں کا نیا سلسلہ appeared first on شیعہ نیوز پاکستان.
