شیعہ نیوز: اقوام متحدہ کے جنیوا ہیڈکواٹر کے سامنے میناب کے بچوں کے موضوع پر ایک نمائش کا اہتمام کیا گیا ہے۔
رپورٹ کے مطابق سوئزرلینڈ میں مقیم دو ایرانی شہریوں نے، جنیوا میں اقوام متحدہ کے ہیڈکواٹرکے مین گیٹ کے سامنے، میدان اقوام (Place des Nations)میں میناب کے بچوں کے موضوع پرایک نمائش کا اہتمام کیا ہے۔
یہ نمائش جنیوا میں اقوام متحدہ کے یورپی ہیڈکواٹر کے سامنے، میدان اقوام میں،غیر فوجیوں کے خلاف تشدد اور جنگ کے نتائج کی علامت، ” ٹوٹی کرسی” کے پاس، سنیچر سے شروع ہوئی ہے اور منگل 22 ستمبرتک جاری رہے گی۔
یہ بھی پڑھیں : غزہ میں صہیونی فوج کی بمباری اور فائرنگ سے پانچ فلسطینی شہید ،متعدد زخمی
اس نمائش میں، میناب پرائمری اسکول پرامریکہ کی وحشیانہ بمباری میں شہید ہونے والے بچوں کی مصوری کے نمونے،چند اسکول بیگ اور ان بچوں کی کچھ دیگر اشیا، بین الاقوامی اداروں کے ملازمین،سفارت کاروں، عام شہریوں اور سیاحوں کے لئے رکھی گئی ہیں۔
میناب پرائمری اسکول کے شہید بچوں کی یاد ميں لگائی جانے والی اس نمائش میں تماش بینوں کے سامنے بچوں اور عام شہریوں کے لئے جنگ کے نتائج پیش کرنے کی کوشش کی گئی۔
نمائش لگانے والوں کا کہنا ہے کہ یہ نمائش، عالمی رائے عامہ اور بین الاقوامی برادری تک ایران کے عام شہریوں اور بچوں کی صدائے مظلومیت پہنچانے کی کوشش نیز سرزمین ایران پر جارحیت میں عام شہریوں کے قتل عام پر اقوام متحدہ اور دیگر بین الاقوامی اداروں کی خاموشی پر احتجاج ہے۔
نمائش کا اہتمام کرنے والوں نے جنگی اور انسانیت کے خلاف جرائم کے مصداق اقدامات کے مرتکبین کے مواخذے کا مطالبہ کیا ہے اور ان کا کہنا ہے کہ بین الاقوامی انسانی حقوق کی پابندی نیز بچوں اور عام شہریوں کی حمایت، دوہرے معیاروں اور سیاسی محرکات کی بھینٹ نہیں چڑھنی چاہئے۔
The post جنیوا میں اقوام متحدہ کے ہیڈکواٹر کے سامنے،میناب کے بچوں کے موضوع پر نمائش appeared first on شیعہ نیوز پاکستان.
