شیعہ نیوز: پاکستان نے افغانستان میں دہشتگردوں کے خلاف فضائی کارروائی کرتے ہوئے متعدد دہشتگردوں کو ہلاک کردیا۔
وزارت اطلاعات کے مطابق پاکستان نے آپریشن غضب للحق کے تسلسل میں افغانستان میں فضائی کارروائی کی اور 2 مقامات پردہشتگردوں کے کیمپوں کو نشانہ بنایا گیا۔
وزاررت اطلاعات کا کہنا ہے کہ مصدقہ انٹیلی جنس معلومات کی بنیاد پر اہداف کو انتہائی درستی سے تباہ کیا، کارروائی میں فتنہ الخوارج کے متعدد دہشتگرد مارے گئے جبکہ ابتدائی اطلاعات کے مطابق 22 دہشتگرد ہلاک ہوئے۔
یہ بھی پڑھیں : عراقی فضائی حدود میں امریکی جنگی طیاروں کی پرواز جاری ہے، کتائب حزب اللہ
وزارت اطلاعات مطابق افغانستان کا بدستور دہشتگردی کا مرکز بنے رہنا انتہائی تشویش کا باعث ہے، پاکستان کو درپیش دہشتگردی کا خطرہ افغانستان سے ہی پیدا ہو رہا ہے۔
وزارت اطلاعت نے کہا کہ اسی تناظر میں پاکستان نے دہشتگردوں کے مراکز کو نشانہ بنایا۔
وزارت اطلاعات کے مطابق پاکستان کے شہریوں کی سلامتی اور تحفظ ہماری ترجیح ہے، پاکستان نے ہمیشہ خطے میں امن کے لیے کوششیں کی ہیں۔
The post پاکستان کی افغانستان میں طالبان کے خلاف پھر فضائی کارروائی، متعدد دہشتگرد جہنم واصل appeared first on شیعہ نیوز پاکستان.
