شیعہ نیوز: امریکی نشریاتی ادارے سی این این نے ایران کی جوہری تنصیبات سے متعلق امریکی صدر ڈونلڈ ٹرمپ کے حالیہ بیان کا جائزہ لیتے ہوئے کہا ہے کہ ان کے اس مؤقف نے نہ صرف عام امریکی شہریوں بلکہ ایران کے جوہری پروگرام سے متعلق امریکی ماہرین کو بھی حیران کر دیا ہے۔
سی این این کے مطابق ٹرمپ نے دعویٰ کیا تھا کہ گزشتہ برس نشانہ بنائی جانے والی ایرانی جوہری تنصیبات دراصل منشیات تیار کرنے والی فیکٹریوں کی طرح استعمال ہوتی تھیں۔
یہ بھی پڑھیں : اقتدار بچانے کے لیے “قصابِ غزہ” کی سیاسی بحران پیدا کرنے کی کوشش
کارنیگی انڈومنٹ کے جوہری پالیسی پروگرام کے ایک ڈائریکٹر جیمز ایکٹن نے کہا کہ ٹرمپ کا یہ بیان ان کے لیے حیران کن ہے اور انہوں نے اس سے قبل کبھی ایسا مؤقف نہیں سنا۔ ان کے مطابق جہاں تک ان کی معلومات ہیں، فردو جوہری تنصیب کو منشیات کی تیاری کے لیے استعمال نہیں کیا جاتا تھا۔
سی این این نے مزید کہا کہ بظاہر ٹرمپ اس معاملے میں غلطی کر گئے ہیں، تاہم وہ اپنی غلطی تسلیم کرنے کے بجائے اپنے مؤقف پر قائم ہیں۔
رپورٹ کے مطابق ٹرمپ نے یہ بیان بحیرہ کیریبین کے خطے میں منشیات سے متعلق اپنے حالیہ مؤقف کے ایک روز بعد دیا، جب وہ وائٹ ہاؤس سے ٹیکساس اور پھر اوکلاہوما کے طویل زمینی سفر کے بعد وہاں پہنچے تھے۔
The post ٹرمپ کے ایران سے متعلق بیان نے امریکی جوہری ماہرین کو بھی حیران کر دیا appeared first on شیعہ نیوز پاکستان.
