شیعہ نیوز: ایک فلسطینی ذریعے نے کہا ہے کہ مقبوضہ فلسطین میں حالیہ رائے عامہ کے جائزوں سے قابص اسرائیلی وزیراعظم نیتن یاہو اور ان کی جماعت لیکوڈ کی عوامی حمایت میں نمایاں کمی سامنے آئی ہے، جس کے باعث وہ اقتدار برقرار رکھنے کے لیے سیاسی بحران کی فضا پیدا کرنے کی کوشش کر رہے ہیں۔
رپورٹ کے مطابق فلسطینی ذرائع کے مطابق تازہ ترین سروے نتائج سے ظاہر ہوتا ہے کہ نتن یاہو کی جماعت لیکوڈ کی پارلیمانی پوزیشن کمزور ہوئی ہے اور اس کی نشستوں کی تعداد سابقہ 32 نشستوں کے مقابلے میں 18 سے 19 نشستوں تک محدود ہو سکتی ہے۔
یہ بھی پڑھیں : برطانوی گرین پارٹی کا صہیونیت کو نسل پرستی قرار دینے اور فلسطینی ریاست کے قیام کا مطالبہ
رپورٹ کے مطابق سابق فوجی سربراہ گادی آیزنکوٹ کی قیادت میں قائم سیاسی اتحاد اس وقت تقریباً 22 نشستوں کے ساتھ سب سے مضبوط حریف کے طور پر سامنے آ رہا ہے۔
ذرائع کا کہنا ہے کہ غاصب اسرائیلی پارلیمان (کنیسٹ) میں حکومت سازی کے لیے 120 میں سے کم از کم 61 نشستیں درکار ہوتی ہیں، تاہم موجودہ اندازوں کے مطابق نہ اپوزیشن اور نہ ہی نیتن یاہو کا اتحادی بلاک واضح اکثریت حاصل کرنے کی پوزیشن میں دکھائی دیتا ہے۔
فلسطینی ذریعے کے مطابق اپوزیشن جماعتوں کو تقریباً 53 نشستیں ملنے کا امکان ہے، جبکہ نیتن یاہو اور مذہبی جماعتوں پر مشتمل اتحاد 51 سے 54 نشستوں تک محدود رہ سکتا ہے، جس سے سیاسی تعطل کی صورتحال پیدا ہونے کا امکان بڑھ گیا ہے۔
انہوں نے کہا کہ یہی وجہ ہے کہ نتن یاہو ممکنہ طور پر ایسے سیاسی حالات برقرار رکھنے کی کوشش کریں گے جن کے نتیجے میں کوئی متبادل اتحاد حکومت تشکیل نہ دے سکے اور وہ عبوری یا نگران طرز کی حکومت کے ذریعے اقتدار میں موجود رہیں۔
فلسطینی ذریعے نے مزید کہا کہ مقبوضہ فلسطین کی داخلی سیاسی صورتحال میں بڑھتی ہوئی کشیدگی اور عوامی بے اطمینانی آئندہ مہینوں میں اسرائیلی سیاست کے لیے اہم چیلنج بن سکتی ہے۔
The post اقتدار بچانے کے لیے “قصابِ غزہ” کی سیاسی بحران پیدا کرنے کی کوشش appeared first on شیعہ نیوز پاکستان.
