شیعہ نیوز: جمعیت علماء اسلام بلوچستان کے صوبائی امیر سینیٹر مولانا عبدالواسع سے شیعہ علماء کے وفد نے ملاقات کی، جس میں امام جمعہ کوئٹہ علامہ سید ہاشم موسوی، علامہ ولایت حسین جعفری، علامہ سید محمود حسینی اور حاجی شبیر حسین شامل تھے۔ ملاقات کے دوران علماء نے اس بات پر زور دیا کہ موجودہ حالات میں اتحادِ امت وقت کی اہم ضرورت ہے۔
اس موقع پر کوئٹہ شہر کی مجموعی صورتحال اور بڑھتے ہوئے نامناسب کلچرل حالات کے سدباب کے لئے جمعیت علماء اسلام کے ضلعی سیٹ اپ کے تحت “امر بالمعروف و نہی عن المنکر” کے لئے ایک کمیٹی کی تشکیل کی تجویز پر بھی تفصیلی تبادلہ خیال کیا گیا۔
یہ بھی پڑھیں : کراچی، ایرانی قونصل خانے میں ’’شجرہ طیبہ اسکول‘‘ میناب کے شہید طلبہ کی یاد میں پُروقار تقریب کا انعقاد
ملاقات میں بات چیت کرتے ہوئے سینیٹر مولانا عبدالواسع نے کہا کہ بعض عناصر کی مسلسل یہ کوشش ہے کہ شہر کے حالات کو خراب کیا جائے۔
اس پر علامہ سید ہاشم موسوی نے کہا کہ شہر میں کسی بھی قسم کے نامناسب حالات اور ناخوشگوار واقعات کو پیدا ہونے سے روکنے کے لئے علماء کرام کو اپنا موثر اور کلیدی کردار ادا کرنا ہوگا۔
The post کوئٹہ کے شیعہ علماء کے وفد کی صوبائی امیر جمعیت علمائے اسلام سینیٹر مولانا عبدالواسع سے ملاقات appeared first on شیعہ نیوز پاکستان.
