کسی بھی باہری طاقت کو آبنائے ہرمز اور خلیج فارس میں دھمکی اور مداخلت حق نہیں

شیعہ نیوز: سپاہ پاسداران انقلاب اسلامی کے کمانڈر انچیف نے زور دے کر کہا ہے کہ خطے سے باہر کی کسی بھی طاقت کو آبنائے ہرمز اور خلیج فارس میں دھمکی اور مداخلت حق نہیں ہے۔

رپورٹ کے مطابق سپاہ پاسداران انقلاب اسلامی کے کمانڈر انچیف میجر جنرل احمد وحیدی نے آئی آر جی سی کی بحریہ کے یوم تشکیل کی مناسبت سے اپنے پیغام میں کہا ہے کہ ہماری اسٹریٹیجی واضح، اصولی اور ناقابل تغیر ہے: خلیج فارس اور آبنائے ہرمز کی سلامتی اندرونی اور علاقائی سلامتی ہے اور خطے سے باہر کی کسی بھی طاقت کو اس میں دھمکی دینے، تسلط پسندانہ موجودگی اور مداخلت کا حق نہیں ہے۔

رپورٹ کے مطابق میجر جنرل وحیدی کے پیغام کہا گیا ہے کہ آٹھ اکتوبر، سپاہ پاسداران انقلاب اسلامی کی بحریہ کا دن اور خلیج فارس میں جارح اور مجرم امریکہ کے ساتھ جنگ میں شہید نادر مہدوی اور ان کے ساتھیوں کی شہادت کی برسی کا دن ہے۔ یہ وہ دن ہے جو ایرانی قوم کی اسٹریٹیجک یادداشت میں شہیدوں کے خون اور مقتدر، عوامی و انقلابی سپاہ کی بحریہ کے جانباز جوانوں کی طاقت کے درمیان فکری اور بامعنی رشتے کی یاد دلاتا ہے۔

یہ بھی پڑھیں : یمنی افواج کی تعز میں پیش قدمی، کئی سعودی حمایت یافتہ دہشت گردوں نے ہتھیار ڈال دیے

سپاہ کے کمانڈر انچیف نے اپنے پیغام میں کہا ہے کہ آٹھ سالہ مسلط کردہ جنگ کے بعد اور مستقبل کے خطرات کے مطابق بحری طاقت کے عناصر حاصل کرنے کے بعد، اس فورس نے جارح امریکی اور برطانوی فوجیوں کو گرفتار کرنے کا ایک اور کارنامہ انجام دیا اور اس وقت امریکہ اور صیہونی حکومت کی مسلط کردہ تیسری جنگ کے دوران بھی وہ آبنائے ہرمز کو بند کر کے، اس کا انتظام اور کنٹرول اپنے ہاتھ میں لے کر اور جارح بحری بیڑے کو خلیج فارس سے پسپائی پر مجبور کرکے اپنے افتخارات کی ڈائری شجاعت اور شہادت کے ساتھ مکمل کر چکی ہے۔

آئی آر جی سی کے کمانڈر انچیف نے اپنے پیغام میں مزید کہا ہے کہ ہم خبردار کر رہے ہیں کہ اس میدان میں ہماری اسٹریٹیجی واضح، اصولی اور ناقابل تغیر ہے: خلیج فارس اور آبنائے ہرمز کی سلامتی اندرونی اور علاقائی سلامتی ہے اور خطے سے باہر کی کسی بھی طاقت کو اس میں دھمکی دینے، تسلط پسندانہ موجودگی اور مداخلت کا حق نہیں ہے۔ آبنائے ہرمز دنیا کی توانائی کی اہم ترین شریان اور اسلامی مملکت ایران کی اسٹریٹیجک ریڈ لائن ہے اور اس کا تحفظ قومی مفادات، قوم کی سلامتی اور ایران کے وقار کا تحفظ ہے۔

انھوں نے اپنے پیغام میں کہا ہے کہ امریکی و صیہونی کیمپ کی جانب سے پیدا کیے جانے والے ہر خطرے کا اس فورس کی جانب سے بھرپور، پوری ہوشیاری سے اور ہمہ گیر تیاری کے ساتھ جواب دیا جائے گا۔

The post کسی بھی باہری طاقت کو آبنائے ہرمز اور خلیج فارس میں دھمکی اور مداخلت حق نہیں appeared first on شیعہ نیوز پاکستان.

​