شیعہ نیوز: اسلامی جمہوریہ ایران کے وزیر خارجہ سید عباس عراقچی کی سربراہی میں ایک اعلیٰ سطح ایرانی وفد نے 16 نومبر کو راولپنڈی میں چیف آف آرمی اسٹاف اور چیف آف ڈیفنس فورسز (COAS & CDF) فیلڈ مارشل سید عاصم منیر، این آئی (ایم)، ایچ جے سے ملاقات کی۔
ملاقات کے دوران باہمی دلچسپی کے امور، خطے کی سیکیورٹی کی صورتحال اور بدلتی ہوئی جغرافیائی و سیاسی پیش رفت پر تبادلہ خیال کیا گیا۔
دونوں جانب سے مشترکہ سیکیورٹی چیلنجز سے نمٹنے کے لیے مختلف ممکنہ راستوں اور اقدامات پر غور کرنے کے حوالے سے اپنے خیالات کا اظہار کیا گیا۔
یہ بھی پڑھیں : معروف نوحہ خواں سید ندیم رضا سرور دنیا کی 500 بااثر مسلم شخصیات میں شامل، پاکستان اور تشیع کے لیے بڑا اعزاز
چیف آف آرمی اسٹاف اور چیف آف ڈیفنس فورسز نے علاقائی امن و استحکام کے فروغ کے لیے دونوں برادر اسلامی ممالک کے درمیان مسلسل روابط، باہمی اعتماد اور قریبی ہم آہنگی کی اہمیت پر زور دیا۔
ایرانی وزیر خارجہ نے علاقائی امن و استحکام کے فروغ میں پاکستان کے تعمیری کردار کو سراہا اور دوطرفہ تعلقات کو مزید مضبوط بنانے کے لیے اپنے ملک کی خواہش کا اظہار کیا۔
The post فیلڈ مارشل حافظ سید عاصم منیر اور ایرانی وزیر خارجہ سید عباس عراقچی کے درمیان راولپنڈی میں اہم ملاقات appeared first on شیعہ نیوز پاکستان.


