شیعہ نیوز: یمن کے آج ہونے والے میزائل حملے میں سعودی عرب کے پبلک انویسٹمنٹ فنڈ کے دفاتر پر مشتمل ایک بلند عمارت کو نقصان پہنچا، جس کے بعد ریاض میں واقع کنگ عبداللہ مالیاتی مرکز کو خالی کرا لیا گیا۔
رپورٹ کے مطابق سعودی عرب کے دارالحکومت ریاض پر یمنی فوج کی طرف سے ہونے والے میزائل حملے میں ایک بلند عمارت کو نقصان پہنچا ہے، جس میں سعودی عرب کے پبلک انویسٹمنٹ فنڈ کے دفاتر قائم ہیں۔
یہ بھی پڑھیں : جنرل قاآنی سے عراق کی مزاحمتی قیادت کی ملاقات، جرف النصر کی صورت حال پر تبادلہ خیال
ذرائع کے مطابق، یمن کے میزائل حملے میں ریاض کے کنگ عبداللہ مالیاتی مرکز کو نشانہ بنایا گیا، جہاں سعودی عرب کی سب سے بلند عمارت واقع ہے۔ ایک عینی شاہد کے مطابق، حملے کے بعد اس مالیاتی مرکز کے تمام داخلی راستے بند کر دیے گئے اور پورے علاقے کو خالی کرا لیا گیا۔
فرانسیسی خبر رساں ادارے اے ایف پی نے بھی اطلاع دی ہے کہ یمن کے نئے حملے میں سعودی دارالحکومت ریاض کے مالیاتی مرکز کو نشانہ بنایا گیا، جس کے نتیجے میں اس کی ایک عمارت کو نقصان پہنچا۔
دوسری جانب سعودی میڈیا نے اطلاع دی تھی کہ یمن سے سعودی عرب کے جنوبی علاقے کی جانب چار بیلسٹک میزائل داغے گئے ہیں۔
The post یمنی فوج کے حملے کے بعد ریاض کا کنگ عبداللہ مالیاتی مرکز خالی کرا لیا گیا appeared first on شیعہ نیوز پاکستان.


