شیعہ نیوز: عراق کی کتائب حزب اللہ کے سیکرٹری جنرل نے سپاہ پاسداران انقلاب کی قدس فورس کے کمانڈر جنرل اسماعیل قاآنی، بدر تنظیم کے سیکرٹری جنرل ہادی العامری اور حشد الشعبی کے سربراہ فالح الفیاض سے ملاقات کی، جس میں جرف النصر کی صورت حال اور وہاں پیدا ہونے والے بحران پر تبادلہ خیال کیا گیا۔
رپورٹ کے مطابق، کتائب حزب اللہ عراق کے سیکرٹری جنرل ابو حسین الحمیداوی نے قدس فورس کے کمانڈر بریگیڈیئر جنرل اسماعیل قاآنی، بدر تنظیم کے سیکرٹری جنرل ہادی العامری اور حشد الشعبی کے سربراہ فالح الفیاض سے ملاقات کی۔
یہ بھی پڑھیں : غزہ میں جنگ بندی کی تازہ خلاف ورزیوں کے دوران اسرائیل کی فائرنگ سے 4 فلسطینی شہید، متعدد زخمی
عرب میڈیا کے مطابق اس ملاقات میں جرف النصر کے بحران اور وہاں کی تازہ صورت حال پر تبادلہ خیال کیا گیا اور ملاقات کے نتائج کو مثبت قرار دیا گیا۔
یہ ملاقات ایسے وقت میں ہوئی ہے جب عراقی حکومت نے ایک بیان میں اعلان کیا ہے کہ ملک کے مسلح افواج کے کمانڈر انچیف کے حکم پر جرف النصر کے علاقے میں ایک مشترکہ کمانڈ اینڈ کنٹرول ہیڈکوارٹر قائم کر دیا گیا ہے۔
عراقی حکومت کے بیان کے مطابق، اس ہیڈکوارٹر میں عراقی فوج کی ایک بریگیڈ، وفاقی پولیس کی ایک بریگیڈ اور حشد الشعبی کے دو بریگیڈ شامل ہوں گے۔
عراقی حکومت نے واضح کیا ہے کہ جرف النصر میں قائم ہونے والا یہ کمانڈ ہیڈکوارٹر متعلقہ تمام سکیورٹی یونٹس کی کمان اور نگرانی کی ذمہ داری سنبھالے گا۔
The post جنرل قاآنی سے عراق کی مزاحمتی قیادت کی ملاقات، جرف النصر کی صورت حال پر تبادلہ خیال appeared first on شیعہ نیوز پاکستان.


