شیعہ نیوز: اسلام آباد جی الیون کچہری کے باہر بھارتی حمایت یافتہ اور افغان طالبان کی پراکسی فتنۃ الخوارج کے خودکش دھماکے میں 12 افراد شہید اور متعدد زخمی ہوگئے۔
ابتدائی رپورٹ کے مطابق دھماکہ کچہری کے باہر ہوا جس کی زد میں آس پاس کھڑے لوگ آئے، مبینہ خودکش بمبار کا سر سڑک پر پڑا ہوا مل گیا۔
اسلام آباد کچہری دھماکے کے بعد پمز اسپتال میں ایمرجنسی نافذ کر دی گئی، زخمیوں کو پمز اسپتال منتقل کرنے کا عمل جاری ہے۔
یہ بھی پڑھیں : لاطینی امریکہ سربراہی اجلاس؛ صہیونی جارحیت کی مذمت، یوکرین جنگ بندی کا مطالبہ
ریسکیو 1122 اور دیگر ایمبولینسز سے زخمیوں کی پمز منتقلی کا سلسلہ جاری ہے، اس کے علاوہ پولیس کی گاڑیوں میں بھی زخمیوں کی پمز منتقلی کا سلسلہ جاری ہے۔
پولیس کی بھاری نفری بھی پمز اسپتال پہنچ گئی ہے، پولیس ذرائع کے مطابق اسلام آباد کچہری میں دھماکہ مبینہ طور پر خودکش تھا، خودکش حملہ آور نے کچہری میں داخل ہونے کی کوشش کی۔
پولیس ذرائع نے بتایا کہ کچہری میں داخل نہ ہونے پر اس نے خود کو پولیس کی گاڑی کے پاس بلاسٹ کر دیا، فورنزک ٹیم کو بھی جائے وقوع پر بلا لیا گیا، زخمی ہونے والوں میں تین پولیس اہلکار بھی شامل ہیں۔
ترجمان ڈاکٹرمبشر ڈاہا نے کہا کہ پمز اسپتال میں ایمرجنسی نافذ کر دی گئی ہے، اسلام آباد دھماکے میں زخمیوں کی طبی امداد جاری ہے، دھماکے میں 12افرادشہید ہوگئے ہیں۔
ڈاکٹرمبشرڈاہا نے کہا کہ دھماکے میں زخمیوں کی تعداد تیس ہوگئی ہے، ڈاکٹرعمران سکندر کی ہدایت پرزخمیوں کےعلاج کیلئے تمام وسائل بروئےکارلائے جارہے ہیں۔
The post اسلام آباد دھماکہ خودکش حملہ، 12 ہلاک 30 زخمی، سیکورٹی ذرائع appeared first on شیعہ نیوز پاکستان.
