شیعہ نیوز: امریکی میڈیا نے دعویٰ کیا ہے کہ چین نایاب معدنیات کی برآمدات کو محدود کر کے امریکی فوجی صنعتوں کو ان سے محروم کرنا چاہتا ہے۔
رپورٹ کے مطابق امریکی روزنامہ وال اسٹریٹ جرنل نے دعویٰ کیا ہے کہ چین نایاب معدنیات (Rare Earth Elements) کی برآمدات کو سختی سے کنٹرول کرنے کا ارادہ رکھتا ہے تاکہ اپنی برتری کو برقرار رکھتے ہوئے حساس ٹیکنالوجی امریکی فوجی حریفوں تک منتقل نہ ہو۔
یہ بھی پڑھیں : رفح میں اسرائیلی حمایت یافتہ ابوشباب گروپ کو کنٹرول دینے کی تیاری
رپورٹ کے مطابق، چین منصوبہ بنا رہا ہے کہ نایاب معدنیات اور دیگر حساس مواد کی برآمدات اُن کمپنیوں کے لیے محدود کر دی جائیں جو امریکی فوجی صنعتوں سے وابستہ ہیں، جبکہ دیگر کمپنیوں کے لیے اجازت نامے کے عمل کو تیز کیا جائے۔ اس نظام کے تحت امریکی فوجی صنعتوں سے منسلک ادارے ان مواد تک رسائی سے محروم ہو جائیں گے۔
نایاب معدنیات جدید صنعتوں، فوجی سازوسامان، الیکٹرانکس اور نئی ٹیکنالوجیز میں وسیع پیمانے پر استعمال ہوتی ہیں۔ ان کی برآمدات پر کنٹرول چین کے لیے اقتصادی اور سکیورٹی اثر و رسوخ بڑھانے کا ایک مؤثر ذریعہ بن سکتا ہے۔
امریکہ اس سے قبل چین سے درآمدات کے ذریعے ان مواد تک اپنی رسائی یقینی بنانے کی کوشش کرتا رہا ہے، لیکن یہ نیا منصوبہ امریکی اہم صنعتوں کے لیے خطرہ ثابت ہو سکتا ہے۔
The post نایاب معدنیات پر چین کا کنٹرول، امریکی دفاعی صنعت کو دهچکا، امریکی میڈیا appeared first on شیعہ نیوز پاکستان.
