حوزہ/علامہ سید محمد حسین طباطبائیؒ بیسویں صدی عیسوی کی ایک جلیل القدر اور نابغہ روزگار شخصیت تھے۔ آپؒ ایک عظیم فقیہ، فلسفی، مفسر اور متکلم تھے؛ انہوں نے اسلامی علوم، بالخصوص تفسیر اور فلسفہ کے میدان میں گرانقدر خدمات سر انجام دیں۔ آپؒ کی علمی زندگی کا زیادہ تر حصہ قم ایران میں گزرا جہاں آپؒ نے نہ صرف اعلیٰ ترین اسلامی تعلیمات حاصل کیں، بلکہ خود بھی تدریس کے ذریعے ہزاروں تشنگانِ علم کو سیراب کرتے رہے۔
