شیعہ نیوز: نیویارک کے نو منتخب میئر زھران ممدانی نے کہا ہے کہ اگر نتن یاہو جنرل اسمبلی اجلاس میں شرکت کے لیے نیویارک آئے تو اس کی گرفتاری کا حکم جاری کیا جائے گا۔
رپورٹ کے مطابق نیویارک سٹی کے نئے منتخب میئر زهران ممدانی نے امریکی چینل اے بی سی نیوز کو انٹرویو دیتے ہوئے کہا ہے کہ اگر اسرائیلی وزیراعظم بنیامین نیتن یاہو آئندہ سال اقوام متحدہ کی جنرل اسمبلی کے اجلاس میں شرکت کے لیے نیویارک آئے تو وہ اس کی گرفتاری کا حکم جاری کریں گے۔
انہوں نے کہا کہ وہ اس بات کا عہد کرتے ہیں کہ بین الاقوامی گرفتاری کے وارنٹس پر عمل درآمد کے لیے تمام قانونی راستوں کو استعمال کریں گے۔
یہ بھی پڑھیں : اقوام متحدہ کی سلامتی کونسل نے غزہ سے متعلق امریکی قرارداد کی منظوری دے دی
زھران ممدانی نے وضاحت کی کہ وہ بارہا کہہ چکے ہیں کہ نیویارک شہر بین الاقوامی قوانین پر عمل کرتا ہے اور بین الاقوامی عدالت انصاف کے گرفتاری کے احکامات بھی انہی قوانین کا حصہ ہیں۔
انہوں نے کہا کہ فرق نہیں پڑتا کہ یہ حکم نیتن یاہو کے خلاف ہو یا پوٹن کے خلاف؛ وہ ٹرمپ کی طرح نہیں بلکہ قانون کے دائرے میں رہ کر عمل کرتے ہیں اور اپنے ذاتی قوانین ایجاد نہیں کرتے۔
انہوں نے مزید کہا کہ اگر نیتن یاہو نیویارک آئے اور وہ اس کے خلاف تمام کوششیں نہ کریں تو وہ خود کو اس شہر کا میئر نہیں سمجھیں گے۔
یاد رہے کہ ممدانی اس سے قبل بھی اعلان کر چکے ہیں کہ اگر iنیتن یاہو نیویارک کا سفر کرے تو اس کی گرفتاری یقینی بنائی جائے گی۔
The post نیتن یاہو کو گرفتار کرنے کی ہر ممکن کوشش کروں گا، زھران ممدانی appeared first on شیعہ نیوز پاکستان.
