شیعہ نیوز: امریکی صدر ڈونلڈ ٹرمپ نے جاپانی وزیر اعظم سانائے تاکائچی کو خبر دار کرتے ہوئے کہا ہے کہ لہجہ نرم رکھیں اور تائیوان کی خودمختاری کے مسئلے پر بیجنگ کو مشتعل نہ کریں۔
وال اسٹریٹ جنرل کی رپورٹ کے مطابق جاپانی وزیر اعظم سے ٹیلی فونک رابطے میں ڈونلڈ ٹرمپ نے کہا کہ چینی صدر سے متعلق گفتگو کرتے وقت لہجہ دھیما رکھیں، ایسی بات نہ کریں جو چینی صدر کو ناگوار گزرے۔
یہ بھی پڑھیں : قاہرہ میں سہ فریقی اجلاس، غزہ جنگ بندی کے دوسرے مرحلے پر غور
یاد رہے کہ جاپانی وزیر اعظم نے رواں ماہ پارلیمنٹ میں بیان دیا تھا کہ اگر چین نے تائیوان پر فوجی حملہ کیا تو جاپان بھی عسکری کارروائی کر سکتا ہے۔
روئٹرز کے مطابق ڈونلڈ ٹرمپ نے جاپانی وزیر اعظم سے کہا کہ وہ چین کے ساتھ جاری تنازعے کو مزید بگڑنے نہ دیں، کیوں کہ وہ بیجنگ کے ساتھ نازک تجارتی جنگ کی جنگ بندی کو برقرار رکھنے کی کوشش کر رہے ہیں۔
The post لہجہ نرم رکھیں، ڈونلڈ ٹرمپ نے جاپانی وزیر اعظم کو خبردار کر دیا appeared first on شیعہ نیوز پاکستان.
