شیعہ نیوز: غاصب اسرائیلی صدر ہرتزوگ نے کہا کہ نیتن یاہو کی معافی کی درخواست پر صرف اسرائیل کے مفادات کو مدنظر رکھیں گے۔
رپورٹ کے مطابق صہیونی صدر اسحاق ہرتزوگ نے وزیرِ اعظم بنیامین نیتن یاہو کی جانب سے عفو کی درخواست پر ردعمل دیتے ہوئے کہا کہ یہ اقدام بہت سے لوگوں کے لیے باعثِ تشویش ہے، لیکن اس فیصلے میں وہ صرف اسرائیل اور اسرائیلی عوام کے مفادات کو مدنظر رکھیں گے۔
یہ بھی پڑھیں : اقوام متحدہ میں دو اہم قراردادیں منظور، فلسطین اور مقبوضہ گولان پر اسرائیلی قبضہ ختم کرنے کا مطالبہ
ہرتزوگ نے اپنے دفتر سے جاری بیان میں مزید کہا کہ تشدد آمیز گفتگو انہیں اپنے فیصلے سے باز نہیں رکھے گا اور درخواستِ عفو کو باریک بینی اور وضاحت کے ساتھ پرکھا جائے گا۔
صہیونی اخبار نے اس معاملے پر لکھا کہ نیتن یاہو بظاہر ہرتزوگ سے عوامی مفاد کی بنیاد پر عفو چاہتے ہیں، لیکن دراصل وہ ایک سیاسی سودا تجویز کر رہے ہیں جس کے تحت عفو کے بدلے عدالتی اصلاحات کو منسوخ کیا جائے۔
نیتن یاہو نے اپنی درخواست میں وعدہ کیا ہے کہ عفو انہیں صہیونیوں کے اتحاد اور دیگر مسائل، جیسے عدالتی نظام اور میڈیا، پر توجہ دینے کے قابل بنائے گا۔
اخبار کے مطابق، نیتن یاہو نے مسائلِ اضافی پر دوبارہ غور کرنے کی بات کر کے عملاً یہ تجویز دی ہے کہ وہ عدالتی اصلاحات سے دستبردار ہو جائیں گے۔
The post اسرائیل کے مفادات کو نیتن یاہو پر قربان نہیں کریں گے، صدر ہرتزوگ appeared first on شیعہ نیوز پاکستان.
