شیعہ نیوز: صدر ڈاکٹرمسعود پزشکیان نے عوامی صلاحیتوں پر اعتماد کے مؤقف پر زور دیتے ہوئے کہا کہ صہیونی حکومت اور امریکہ اس غلط گمان میں تھے کہ چند روز کی بمباری سے عوام کو اسلامی جمہوریہ کے خلاف سڑکوں پر لایا جاسکتا ہے اور اسی خیالِ باطل کے تحت انہوں نے ملک پر حملہ کیا، لیکن عوام ایک بار پھر اپنے ملک اور نظام کے دفاع میں اٹھ کھڑے ہوئے اور ان کی تمام سازشوں کو ناکام بنا دیا۔
رپورٹ کے مطابق ڈاکٹر مسعود پزشکیان نے آج منگل، 2 دسمبر عالمی یومِ معذورین کے ایک پروگرام سے خطاب میں،جسمانی معذوری میں مبتلا افراد کو مخاطب کرکے کہا کہ آج میں نے یہاں جو دیکھا اور سنا اس سے معلوم ہوا کہ آپ کی صلاحیتوں اور خلاقیت ان لوگوں سے بھی زیادہ متاثرکن ہے جنہیں کوئی جسمانی معذوری نہیں ہے۔
عالمی یوم معذورین پر منعقدہ اس پروگرام میں، معذورین کی طرف سے صدر ڈاکٹر مسعود پزشکیان کو ” اتفاقات بد معدن طلاست ” یعنی برے حوادث سونے کی کان ہوتے ہیں، نامی کتاب تحفے میں دی گئی ہے۔
یہ بھی پڑھیں : صدر عراق کی تہران بغداد روابط کی تقویت کی تاکید
صدر مملکت نے جسمانی معذوری سے دوچار افراد سے خطاب میں کہا کہ آج کا تجربہ میرے لئے، اس کتاب کے عنوان کا مصداق ہے جو آپ نے مجھے تحفے میں دی ہے۔
انہوں نے کہا کہ ان کی حکومت کے آغاز ہی سے متعدد ناخوشگوار اور مشکل حالات پیش آئے، مگر شاید اگر یہ مشکلات پیش نہ آتیں تو بہت سے مواقع اور ہماری صلاحیتیں ابھر کر سامنے نہ آتیں۔
صدر مملکت نے کہا کہ آج حکومت اور تمام حکومتی اداروں میں یہ آگاهی اور عزم پیدا ہوچکا ہے کہ سبھی صلاحتیں بروئے کار لاکر اور عوام کی شراکت اور توانائی سے فائدہ اٹھاکر سبھی مسائل حل کئے جاسکتے ہیں اور ہم نے مشکلات کو سونے کی کان سمجھ کر ان سے مواقع کی حیثیت سے فائدہ اٹھانے کی کوشش کی ہے۔
صدر ایران نے عوامی صلاحیتوں سے زیادہ سے زیادہ استفادے کے منصوبوں کا حوالہ دیتے ہوئے کہا کہ آٹھ سالہ مسلط کردہ جنگ میں پوری دنیا اسلامی انقلاب کو شکست سے دوچار کرنے کے لئے جرائم پیشہ بعثی حکومت کے ساتھ کھڑی تھی لیکن عوام کی حمایت نے دشمن کی ناپاک آرزوئيں خاک میں ملادیں۔
انہوں نے کہا کہ صہیونی حکومت اور امریکہ نے بھی اس وہم میں مبتلا ہوکر کہ چند دن کی بمباری سے عوام کو اسلامی جمہوری نظام کے خلاف ورغلایا جاسکتا ہے لیکن عوام ایک بار پھر اپنے ملک اور نظام کے دفاع میں اٹھ کھڑے ہوئے اورانھوں نے دشمن کی سازشیں ناکام بنادیں۔”
ڈاکٹر مسعود پزشکیان نے جسمانی معذوری میں مبتلا افراد کو مخاطب کرکے کہا کہ ہم آپ کی کی صلاحیتوں، اور اس سے بڑھ کر آپ کے حوصلے اور جذبے کے آگے سرِ تعظیم جھکاتے ہیں۔
انہوں نے کہا کہ دشمن جان لے کہ آلاتِ حرب اور جنگی طیاروں سے وہ ایک ثابت قدم، باحوصلہ اور پُرعزم قوم کو نہ جھکا سکتا ہے اور نہ ہی اس پر اپنی من مانی مسلط کرسکتا ہے۔
صدر ایران نے کہا کہ ہم آپ کی مدد سے پائیداری کے ساتھ ڈٹے ہوئے ہیں اور وطن عزیز کو پہلے سے زیادہ محکم اور بہتر بنانے کا عزم رکھتے ہیں اور خدا وند عالم سے نصرت و مدد کی دعا کرتے ہیں۔
The post عوام نے نظام کا ساتھ دے کر دشمن کی سازشیں ناکام بنا دیں، صدر پزشکیان appeared first on شیعہ نیوز پاکستان.
