شیعہ نیوز: امریکی صدر ڈونلڈ ٹرمپ نے غاصب اسرائیلی وزیر اعظم بنیامین نیتن یاہو سے غزہ اور شام میں اپنی پالیسی تبدیل کرنے کا مطالبہ کیا ہے۔
رپورٹ کے مطابق امریکی صدر ڈونلڈ ٹرمپ نے ایک ٹیلیفونک گفتگو میں اسرائیلی وزیر اعظم بنیامین نیتن یاہو سے غزہ اور شام میں اپنی پالیسی تبدیل کرنے کا مطالبہ کیا اور زور دیا کہ وہ غزہ امن معاہدے کے نفاذ میں اچھا فریق ثابت ہوں۔
رپورٹ کے مطابق، ٹرمپ نے نیتن یاہو سے کہا کہ شام میں فوجی کارروائیوں کے معاملے کو سادہ نہ لیں اور شامی حکومت کو مشتعل نہ کریں۔
یہ بھی پڑھیں : کب تک مصلحت؟ سپاہِ صحابہ اور اورنگزیب فاروقی کے انتہا پسندانہ بیانیے پر ریاستی خاموشی سوالیہ نشان
اس گفتگو میں نتانیاہو نے ٹرمپ کے سوال کے جواب میں کہا کہ رفح میں حماس کے جنگجوؤں کو اس لیے مارا کیونکہ وہ مسلح اور خطرناک تھے۔
اس سے قبل اسرائیلی چینل 12 نے ایک امریکی اہلکار کے حوالے سے رپورٹ کیا تھا کہ واشنگٹن نے تل ابیب کی شام پر جارحانہ کارروائیوں پر اعتراض کیا ہے اور اس سلسلے میں نیتن یاہو کو خبردار کیا ہے۔
اس امریکی اہلکار نے دعویٰ کیا کہ امریکہ اسرائیلی حملوں سے مطمئن نہیں ہے اور خبردار کیا ہے کہ نیتن یاہو کے اقدامات شام کی حکومت کو تل ابیب کا دشمن بنا سکتے ہیں۔
انہوں نے مزید کہا کہ شام کی صورت حال لبنان جیسی نہیں ہے، لیکن نتن یاہو ہر جگہ کو ایک ہی نظر سے دیکھتا ہے۔ امریکہ نے تل ابیب کو ابلاغ کیا ہے کہ اسے اس روش کو ترک کرنا ہوگا۔
The post نیتن یاہو غزہ اور شام کے بارے میں اپنا رویہ بدلیں، ٹرمپ کا انتباہ appeared first on شیعہ نیوز پاکستان.
