شیعہ نیوز : بلوچستان حکومت نے دہشت گردی میں ملوث بیرون ملک کالعدم تنظیموں کیخلاف گھیرا تنگ کرنے کا فیصلہ کرلیا، سربراہان، کمانڈرز اور 300 سے زائد دہشت گردوں کی فہرست مرتب کرلی گئی۔
وفاقی حکومت کے ذریعے انٹر پول سے ریڈ نوٹسز کی کارروائی کو تیز کروایا جائے گا۔
وزیراعلیٰ بلوچستان سرفراز بگٹی کی زیرصدارت اجلاس میں دہشت گردوں کیخلاف ایکشن کا فیصلہ کیا گیا، بیرون ملک دہشت گرد قیادت کے مقامی سہولت کاروں کے رابطوں کی تفصیل، کال ریکارڈنگز اور دیگر شواہد اجلاس میں پیش کیے گئے۔
وزیراعلیٰ سرفراز بگٹی نے کہا کہ بلوچستان مزید کسی غیرملکی ایجنڈے کا شکار نہیں ہوگا، دہشت گردوں کو دنیا کے کسی کونے میں چھپنے نہیں دیں گے۔
یہ بھی پڑھیں : یکطرفہ جبری اقدامات “انسانیت کے خلاف جرم” ہیں، اسماعیل بقائی
ان کا کہنا تھا کہ ریاست کی رٹ کو چیلنج کرنیوالے عناصر کا مکمل صفایا ناگزیر ہوچکا ہے۔
The post بلوچستان حکومت کا دہشت گردی میں ملوث بیرون ملک کالعدم تنظیموں کیخلاف گھیرا تنگ کرنے کا فیصلہ appeared first on شیعہ نیوز پاکستان.
