شیعہ نیوز: غزہ میں جنگ بندی کے دوسرے مرحلے کے آغاز کے لئے بین الاقوامی امن فوج کی تشکیل بنیادی شرط ہے لیکن اس فوج کے ڈھانچے اور اس کے مشن کے بارے میں اختلافات دور نہ ہونے اور دسیوں ملکوں کی جانب سے اس میں شمولیت سے انکار کے نتیجے میں واشنگٹن اس فوج کی تشکیل میں ناکامی کے قریب پہنچ چکا ہے۔
صیہونی اخبار یدیعوت آحارونوت نے ایک رپورٹ میں لکھا ہے کہ غزہ میں امن و استحکام کے لئے بین الاقوامی فوج کی تشکیل میں امریکہ عملا ناکام ہوچکا ہے۔
یہ بھی پڑھیں : کولمبیا اور وینزویلا کی افواج متحد ہوجائیں، وینزویلا کے صدر مادورو
اس صیہونی اخبار نے لکھا ہے کہ واشنگٹن غزہ کے لئے بین الاقوامی فوج کے ڈھانچے پر اجماع حاصل کرنے میں ناکام رہا ہے۔
دوسری طرف امریکہ نے امید ظاہر کی ہے کہ جنوری 2026 میں غزہ میں بین الاقوامی امن فوج تعینات ہوجائے گی لیکن صیہونی حکومت کی جانب سے غزہ میں جنگ بندی کی مسلسل خلاف ورزی اور بین الاقوامی فوج میں ترکی سمیت بعض ملکوں کی مشارکت کی تل ابیب کی جانب سے مخالفت اور اسی کے ساتھ غزہ میں حکومت کی تشکیل کا کوئی واضح امکان نظر نہ آنے کی وجہ سے اس فوج کی تشکیل کا عمل رک گیا ہے۔
The post غزہ کے لئے بین الاقوامی فوج کی تشکیل میں امریکہ کی ناتوانی appeared first on شیعہ نیوز پاکستان.
