شیعہ نیوز: اقوام متحدہ کی سلامتی کونسل کے اجلاس میں روس اور چین نے امریکہ پر سخت تنقید کرتے ہوئے ایران کے معاملے میں طاقت کے استعمال کی مخالفت کی ہے۔
سلامتی کونسل سے خطاب کرتے ہوئے روسی مندوب نے اجلاس کو “سرکس” قرار دیتے ہوئے کہا کہ یہ اجلاس عالمی امن کے لیے ہونا چاہیے تھا، نہ کہ ایران کے اندرونی معاملات میں مداخلت کے لیے۔
ان کا کہنا تھا کہ بیرونی قوتیں ایران میں موجودہ صورت حال کو جان بوجھ کر ہوا دے رہی ہیں۔
یہ بھی پڑھیں : ایران پر حملے کے متضاد اشاروں کے باوجود امریکہ کی جنگی تیاری جاری ہے، امریکی اخبار
روسی مندوب نے کہا کہ ایران نے واضح کر دیا ہے کہ وہ کسی کشیدگی یا تصادم کا خواہاں نہیں، تاہم کسی بھی جارحیت کی صورت میں بھرپور جواب دیا جائے گا۔
انہوں نے مزید کہا کہ ایرانی حکومت کے لیے شہریوں اور املاک کا تحفظ اولین ترجیح ہے، جبکہ امریکی بیانات جن میں ایرانی عوام کو اداروں پر قبضے کی ترغیب دی گئی، کسی بھی ملک کی خودمختاری کے خلاف ہیں۔
روسی مندوب کے مطابق ایرانی سپریم لیڈر اور حکومت کی حمایت میں عوام کی بڑی تعداد سڑکوں پر نکلی ہے، اور امریکی کارروائی کی صورت میں پورا خطہ مزید بحران کا شکار ہو سکتا ہے۔ روس نے مسائل کے پرامن حل کے لیے تعاون کی پیشکش بھی کی۔
The post سلامتی کونسل میں ہنگامہ، ایران پر دباؤ کے خلاف روس اور چین امریکہ پر برس پڑے appeared first on شیعہ نیوز پاکستان.
