حوزہ/ میرٹھ میں امام جمعہ و الجماعت مولانا سید حسین مہدی نے کہا کہ ایران محض ایک ملک یا جغرافیائی وحدت کا نام نہیں، بلکہ عصرِ حاضر میں ولایتِ اہلِ بیت (ع) کی عملی تجسیم ہے۔ وہ سرزمین جہاں نظامِ حکومت کی بنیاد ولایتِ امیر المؤمنین (ع) کی فکری چھاؤں میں رکھی گئی ہو اور جہاں سکہ امامِ رضا (ع) کے نام کا چلتا ہو، وہاں عالمی استکبار اپنی تمام تر سازشوں، فتنوں اور اتھل پتھل کے باوجود بھی اس نظام کا بال بانکا نہیں کر سکتا۔
