شیعہ نیوز: ویانا بین الاقوامی ایٹمی توانائی ایجنسی کے ڈائریکٹر جنرل نے ایران اور امریکہ کے درمیان بالواسطہ مذاکرات دوبارہ شروع ہونے کا خیر مقدم کرتے جوہری مسئلے پر سفارت کاری کی حمایت کا اعلان کیا ہے۔
رپورٹ کے مطابق رافیل گروسی نے “24” نیٹ ورک کے ساتھ ایک انٹرویو میں کہا کہ ایران کے بارے میں بین الاقوامی ایٹمی توانائی ایجنسی کا مؤقف یہ ہے کہ فریقین مذاکرات کی میز پر واپس آئیں اور ایک ایسے معاہدے پر پہنچیں جس سے ایجنسی کے معائنہ کاروں کو ایران واپس جانے کا موقع فراہم ہو۔
یہ بھی پڑھیں : ایران ہمارا پارٹنر ہے، امریکہ کے ساتھ ثالثی کے لیے تیار ہیں، سرگئی لاوروف
انہوں نے مزید کہا کہ ایجنسی ایران کی جوہری تنصیبات کا معائنے کے لیے اپنے معائنہ کار بھیجنے کو تیار ہے۔
رافیل گروسی کا کہنا تھا کہ اس وقت ہمارے معائنہ کار ایران میں چھوٹی سائٹوں کا جائزہ لے رہے ہیں، لیکن وہ کسی بھی وقت مزید اہم سائٹس کی معائنہ کاری کے لیے بھی تیار ہیں۔
یہ بات ایسے وقت میں سامنے آئی ہے جب ایران اور امریکہ کے درمیان بالواسطہ مذاکرات کا نیا دور آج (جمعہ، 17 فروری) مسقط میں شروع ہوا ہے۔ ایران کی جانب سے مذاکراتی ٹیم کی سربراہی سید عباس عراقچی کر رہے ہیں۔
The post ایران کے جوہری معاملے پر سفارت کاری کی حمایت کرتے ہیں: سربراہ آئی اے ای اے appeared first on شیعہ نیوز پاکستان.
