شیعہ نیوز: مغربی ایشیا کے امور کے ماہر ڈانگ مانیوان نے کہا ہے کہ اسرائیل کی کوشش ہے سیاسی، سفارتی اور سیکورٹی کے میدانوں میں امریکی پالیسی کو اپنے حق میں یرغمال بنا کر حالات کو کشیدگی اور مقابلہ آرائی کی جانب لے جائے۔
انہوں نے کہا کہ اس سے پہلے “ایران کا مبینہ ایٹمی ہتھیار” امریکہ کی روائتی ریڈلائن تھی لیکن تل ابیب کی کوشش ہے کہ اس کا دائرہ ایران کے پورے ایٹمی پروگرام تک پھیلا دے جس سے پرامن ایٹمی ٹیکنالوجی تک رسائی کے ایران کا حق نشانے پر آجائے گا۔
یہ بھی پڑھیں : غزہ میں جنگ بندی کی اسرائیلی خلاف ورزیاں جاری، مشرقی غزہ میں گولہ باری اور دھماکے
ڈانگ مانیوان نے کہا کہ ایران اپنے ایٹمی پروگرام کے پرامن ہونے پر زور دے چکا ہے لہذا تہران کے زاویہ نگاہ سے ایٹمی ہتھیار حاصل نہ کرنے کی ضمانت فراہم کی جاسکتی ہے لیکن میزائل اور علاقائی معاملات کے موضوع پر ایران اور امریکہ کے مابین مفاہمت کا سوال نہیں اٹھتا۔
ان کا کہنا ہے کہ امریکہ فی الحال مذاکرات کے راستے پر زور دے رہا ہے لیکن اسرائیل کے دباؤ کی صورت میں اشتعال انگیز اقدام اور امریکہ سے ایران کی براہ راست مقابلہ آرائی کا خطرہ بڑھ سکتا ہے۔
The post اسرائیل ایران کے سلسلے میں امریکی پالیسی کو یرغمال بنانا چاہتا ہے، چینی سیاسی امور کے ماہر appeared first on شیعہ نیوز پاکستان.
