شیعہ نیوز: شیعہ علماء کونسل پاکستان کے سیکرٹری جنرل اور نائب صدر ملی یکجہتی کونسل پاکستان، علامہ ڈاکٹر شبیر حسن میثمی کی رہائشگاہ پر ملی یکجہتی کونسل پاکستان کا اہم اجلاس منعقد ہوا۔ اجلاس میں سیکرٹری جنرل ملی یکجہتی کونسل پاکستان جناب لیاقت بلوچ، سربراہ جماعت اہل حرم مفتی گلزار نعیمی، مرکزی سیکرٹری اطلاعات شیعہ علماء کونسل پاکستان زاہد علی آخونزادہ، مجلس وحدت مسلمین کے رہنماء سید ناصر شیرازی سمیت دیگر تمام مکاتب فکر کے علماء کرام عمائدین قوم صحافی حضرات و رفقاء موجود تھے۔ اجلاس میں سانحہ اسلام آباد جامع مسجد خدیجۃ الکبری ترلائی کے شہداء کیلئے فاتحہ خوانی ہوئی اور ایس یو سی پاکستان کے سیکرٹری جنرل سے تمام علماء کرام نے تعزیت کی۔ بعدازاں انتظامی نا اہلی و دیگر اہم معاملات اور ملی یکجہتی کونسل پاکستان کی طرف سے مشترکہ پریس کانفرنس سمیت اہم موضوعات پر گفت و شنید بھی ہوئی۔ سیکرٹری جنرل ملی یکجہتی کونسل پاکستان لیاقت بلوچ اور نائب صدر ملی یکجہتی کونسل پاکستان علامہ ڈاکٹر شبیر حسن میثمی نے تفصیلی گفتگو بھی کی، آخر میں ملک و ملت کی سلامتی اور شہداء کے بلندی درجات کی اجتماعی دعائیں بھی ہوئیں۔
The post اسلام آباد میں ملی یکجہتی کونسل کا تعزیتی اجلاس، سانحہ ترلائی کی شدید مذمت appeared first on شیعہ نیوز پاکستان.
