شیعہ نیوز: المصطفیٰ ہاؤس کراچی میں رمضان المبارک اور حالات حاضرہ کے حوالے سے اہم اجلاس ہوا جس میں تحریک آزادی القدس میں شامل تنظیموں اور اداروں کے رہنماؤں نے شرکت کی۔ اجلاس سے خطاب کرتے ہوئے رہنماؤں کا کہنا تھا کہ غاصب صہیونی ریاست سے تعلقات کسی صورت قابل قبول نہیں ہیں، حکومت پاکستان امریکی صدر ٹرمپ کے نام نہاد غزہ پیس بورڈ سے فوری طور پر باہر نکلے، مسئلہ فلسطین کے حوالے سے قائد اعظم محمد علی جناح کے فرامین ہمارے لئے مشعل راہ ہیں، فلسطینی عوام کو ہر طرح سے اپنے دفاع کا حق حاصل ہے۔
ترجمان تحریک آزادی القدس علی غازی کے مطابق اجلاس میں فیصلہ کیا گیا کہ ہر سال کی طرح امسال بھی امام خمینیؒ کے فرمان پر لبیک کہتے ہوئے رمضان المبارک کے آخری جمعہ کو عالمی یوم القدس کے طور پر منایا جائے گا، کراچی میں یوم القدس کی مرکزی ریلی کراچی میں نمائش چورنگی سے تبت سینٹر تک نکالی جائے گی جس میں بھر پور عوامی شرکت سے یہ واضح ہوجائے گا کہ پاکستانیوں کے دل مظلوم فلسطینیوں کے ساتھ دھڑکتے ہیں۔ اجلاس میں مسئلہ فلسطین کے حوالے سے عوامی آگاہی مہم کو اسٹریٹ لیول پر مزید تیز کرنے کا فیصلہ بھی کیا گیا۔
The post جمعتہ الوداع کو یوم القدس جوش و جذبے سے منایا جائے گا، تحریک آزادی القدس پاکستان appeared first on شیعہ نیوز پاکستان.
