شیعہ نیوز: عراقی صوبہ کرکوک میں کالعدم بعث پارٹی کی خفیہ سرگرمیوں کا انکشاف ہوا ہے، جہاں مبینہ طور پر عبوری حکومت کے قیام کا منصوبہ بنایا جا رہا تھا۔
رپورٹ کے مطابق صوبہ کرکوک میں کالعدم بعث پارٹی کے رہنماؤں کی خفیہ سرگرمیوں کا انکشاف ہوا ہے۔
ذرائع کے مطابق بعض عراقی سیاسی شخصیات نے امریکی حمایت اور چند دیگر ممالک کی پشت پناہی سے کالعدم بعث پارٹی کے سرکردگان کو پہلی خفیہ نشست منعقد کرنے کی اجازت دی، جس کا مقصد عبوری حکومت کے قیام کا منصوبہ تیار کرنا اور شیعہ، سنی اور دیگر سیاسی جماعتوں کے درمیان اختلافات کو ہوا دینا تھا۔
یہ بھی پڑھیں : ٹرمپ کی امریکی کانگریس کے دو مسلم اراکین کو ملک سے نکالنے کی درخواست
انہوں نے کہا کہ ان سرگرمیوں کا حتمی مقصد عراق کو عدم استحکام سے دوچار کرنا، موجودہ حکومت کو کمزور ظاہر کرنا اور کالعدم بعث پارٹی کے حق میں تشہیر کرنا ہے۔
ذرائع نے مزید بتایا کہ جیسے ہی عراقی سیکیورٹی فورسز کو اس خفیہ اجلاس کی اطلاع ملی، وہ فوری طور پر کرکوک پہنچ گئیں اور کارروائی کرتے ہوئے کالعدم بعث پارٹی کے پانچ سرکردہ افراد کو گرفتار کر لیا۔ یہ افراد اربیل ہوائی اڈے کے ذریعے عراق میں داخل ہوئے تھے۔
The post عراقی صوبہ کرکوک میں کالعدم بعث پارٹی کی خفیہ سرگرمیاں بے نقاب appeared first on شیعہ نیوز پاکستان.
