شیعہ نیوز: کتائب حزب اللہ عراق نے امریکہ کو خبردار کیا ہے کہ اگر اس نے کوئی کارروائی کی تو اسے ناقابل تلافی نقصان کا سامنا کرنا پڑے گا۔
رپورٹ کے مطابق عراقی ذرائع ابلاغ کے حوالے سے جاری بیان میں کہا گیا کہ یہ ردعمل ایران کے خلاف امریکی دھمکیوں کے تناظر میں سامنے آیا ہے۔
یہ بھی پڑھیں : غزہ کی جانب 100 سے زائد کشتیوں کی مشترکہ پیش قدمی کا اعلان
بیان میں کہا گیا کہ امریکی دھمکیوں اور وسیع فوجی تیاریوں کے درمیان اس بات پر زور دیا جاتا ہے کہ تمام مجاہدین ایک ایسی طویل اور تھکا دینے والی جنگ کے لیے تیار رہیں جو ممکن ہے امریکی اندازوں سے زیادہ عرصے تک جاری رہے۔
بیان میں مزید کہا گیا کہ اگر امریکہ شرارت کا مرتکب ہوا اور خطے میں جنگ کی آگ بھڑکائی تو اسے ایسے بھاری نقصانات کا سامنا کرنا پڑے گا جن پر قابو پانا یا جن کا ازالہ کرنا ممکن نہیں ہوگا۔
کتائب حزب اللہ نے اپنے بیان میں عراق کے کردستان ریجن کو بھی خبردار کیا اور کہا کہ دشمن کے ساتھ کسی بھی قسم کا تعاون اضافی بوجھ کا باعث بنے گا، جو اس خطے کی سلامتی اور مستقبل کے لیے خطرہ بن سکتا ہے۔
The post امریکہ نے شرارت کی تو ناقابل تلافی نقصان اٹھائے گا، کتائب حزب اللہ appeared first on شیعہ نیوز پاکستان.
